नाशिकचा ड्रग्ज तस्कर फरार : कर्तव्यात कसूर करणार्‍या नऊ अधिकारी-कर्मचार्‍यांचे निलंबन

Nashik’s drug smuggler on the run : Suspension of nine officers-employees for dereliction of duty पुणे : ड्रग्ज तस्कर पसार झाल्याप्रकरणी पोलिस अधिकार्‍यासह नऊ कर्मचार्‍यांना निलंबित करण्यात आल्याने पोलिस वर्तुळात खळबळ उडाली आहे. नाशिकचा ड्रग्जतस्कर ललित पाटील हा पोलिसांच्या डोळ्यात धूळ फेकून पुण्यातील ससून रुग्णालयातून सोमवारी पसार झाल्यानंतर पुणे पोलिस आयुक्तांनी 9 पोलिसांना तडकाफडकी निलंबित केल्याची माहिती मुख्यालयाचे पोलिस उपायुक्त रोहिदास पवार यांनी दिली. पोलिस आयुक्त रीतेशकुमार यांच्या आदेशानुसार ही कारवाई करण्यात आली.

यांच्यावर उगारला निलंबनाचा बडगा
कर्तव्यात बेफिकिरी केल्याप्रकरणी पोलिस उपनिरीक्षक मोहिनी डोंगरे, पोलिस हवालदार आदेश शिवणकर, पोलिस नाईक नाथाराम काळे, पिरप्पा दत्तू बनसोडे, अमित सुरेश जाधव यांना निलंबित करण्यात आले. नऊ कर्मचारी कोर्ट कंपनीसाठी नियुक्त होते.