भुसावळ बाजारपेठ पोलिसांची धाडसी कारवाई : तीन पिस्टल, चार काडतुसांसह खडक्यातील त्रिकूट जाळ्यात

Brave action by Bhusawal market police : Three pistols, four cartridges in a trap in Khadka भुसावळ : पोलिसांच्या रेकॉर्डवरील गुन्हेगार व वाळू चोरीच्या गुन्ह्यात वॉण्टेड गिरीश तायडे हा शस्त्रांसह वाहनातून येत असल्याची माहिती बाजारपेठ पोलिस निरीक्षक बबन आव्हाड यांना मिळाल्यानंतर रविवारी पहाटे पोलिसांनी कोम्बिंग राबवले मात्र पोलिसांना पाहताच संशयित स्कॉर्पिओतून पसार होवू लागताच पोलिसांनी पाठलाग करून वाहन अडवले मात्र गिरीश तायडे पसार होण्यात यशस्वी झाला तर त्याचे तीन साथीदार मात्र जाळ्यात अडकले. संशयितांकडून तीन गावठी पिस्टल, चार जिवंत काडतूस, सहा फायबर रॉड, तीन मोबाईल काडतूस व स्कॉर्पिआ वाहन असा मुद्देमाल जप्त करण्यात आला असल्याची माहिती पोलिस उपअधीक्षक कृष्णात पिंगळे यांनी रविवारी दुपारी पाच वाजता बाजारपेठ पोलिसात ठाण्यात आयोजित पत्रकार परीषदेत दिली.

गोपनीय माहितीवरून कारवाई
कुविख्यात गिरीश तायडे याने काही दिवसांपूर्वी महसूल पथकावर चोरीची वाळू पकडल्यानंतर हल्ला केला होता व त्या गुन्ह्यात (गुरनं.430/2023) संशयित गावात स्कॉर्पिओ (एम.एच.19 डी.व्ही.2333) द्वारे शहरातील खडका चौफुलीवर येत असल्याची माहिती यंत्रणेला मिळाल्यानंतर रविवारी पहाटे खडका चौफुलीवर नाकाबंदी करण्यात आली. पहाटेच्या सुमारास संशयित वाहन आल्यानंतर पोलिसांनी त्यास थांबण्याचा इशारा केला मात्र चालकाने सुसाट वाहन पळवल्याने पोलिसांनी पाठलाग सुरू केला व तायडे याच्या ढाब्यावर वाहन थांबताच संशयित पसार होत असताना तिघांना पकडण्यात यश आले मात्र गिरीश तायडे हा शेतातून पसार झाला.