प्रवाशांच्या सुविधेसाठी रेल्वे प्रशासनातर्फे दिवाळी, छटपूजेसाठी विशेष रेल्वे गाड्या

नागपूर-मुंबई वन वे स्पेशल
01103 नागपूर-मुंबई एकेरी विशेष गाडी 16 नोव्हेंबर रोजी नागपूर येथून रात्री 10 वाजता सुटेल आणि छत्रपती शिवाजी महाराज टर्मिनस येथे दुसर्‍या दिवशी दुपारी 1.40 वाजता पोहोचेल. ही गाडी वर्धा, बडनेरा, अकोला, शेगाव, मलकापूर, भुसावळ, नाशिक रोड, इगतपुरी, कल्याण, ठाणे आणि दादर येथे थांबणार आहे. या गाडीला 24 डब्बे असतील. एक द्वितीय वातानुकूलित, 2 तृतीय वातानुकूलित, 13 शयनयान, 8 सामान्य द्वितीय श्रेणी ज्यामध्ये 2 लगेज कम गार्डच्या ब्रेक व्हॅनचा समावेश आहे.

मुंबई-दानापूर अतिजलद विशेष चार फेर्‍या
01107 मुंबई-दानापूर अतिजलद विशेष गाडी शनिवार, 18 आणि 25 नोव्हेबरला (2 फेर्‍या) छत्रपती शिवाजी महाराज टर्मिनस मुंबई येथून सकाळी 11.05 वाजता सुटेल आणि दानापूर येथे दुसर्‍या दिवशी दुपारी दोन वाजता पोहचेल. 01108 दानापूर-मुंबई अतिजलद विशेष गाडी रविवार, 19 आणि 26 नोव्हेबरला (2 फेर्‍या) दानापूर येथून दुपारी 4.30 वाजता सुटेल आणि छत्रपती शिवाजी महाराज टर्मिनस मुंबई येथे दुसर्‍या दिवशी रात्री 11.15 वाजता पोहोचेल. ही गाडी दादर, कल्याण, इगतपुरी, नाशिकरोड, भुसावळ, खांडवा, इटारसी, जबलपूर, कटनी, सतना, माणिकपूर, प्रयागराज छिवकी, पंडीत दीनदयाल उपाध्याय जंक्शन, बक्सर आणि आरा येथे थांबणार आहे. या गाडीला एक द्वितीय वातानुकूलित, दोन तृतीय वातानुकूलित, 13 शयनयान, दोन लगेज कम गार्डच्या ब्रेक व्हॅनसह 8 सामान्य द्वितीय श्रेणीचे डबे असतील.