रेल्वेतील फुकट्यांवर कारवाई : सहा दिवसात तीन कोटी 73 लाखाचा दंड वसूल

Action against freebies in railways: 3 crore 73 lakh fine will be collected in six days
भुसावळ : दिवाळीचे दिवस असल्याने रेल्वे गाड्यांना मोठ्या प्रमाणावर प्रवाशांची गर्दी वाढली असून याचाच फायदा घेत अनेक फुकटे प्रवासी विना तिकीट प्रवास करीत असल्याने भुसावळ विभागात 537 तिकीट तपासणीस यांनी 9 ते 15 नोव्हेंबर या काळात विशेष तिकीट तपासणी करीत 41 हजार 894 फुकट्या प्रवाशांकडून तीन कोटी 73 लाख रुपयांचा दंड अवघ्या सहा दिवसात वसूल केला. यामुळे फुकट्या प्रवाशांमध्ये भिती निर्माण झाली आहे.

कारवाईने उडाली खळबळ
डीआरएम इती पांडे यांच्या मार्गदर्शनाखाली वरीष्ठ विभागीय वाणिज्य व्यवस्थापक धीरेंद्र सिंग, सहायक वाणिज्य व्यवस्थापक (तिकीट चेकिंग) रत्नाकर क्षीरसागर यांच्या नेतृत्वाखाली भुसावळ विभागातील 537 तिकीट तपासणी कर्मचारी यांनी 9 ते 15 नोव्हेंबरपर्यंत विभागामध्ये सखोल तिकीट तपासणी मोहिम राबवून विभागाचा दंड वसुलीचा नवीन विक्रम प्रस्थपित केला. विना तिकीट व आरक्षण तिकीट नसतांना आरक्षण डब्यातून प्रवास करणार्‍या प्रवासाच्या एकूण 41 हजार 894 प्रकरणांतून एकूण तीन कोटी 73 लाख रुपये दंड वसूल केला आहे.