जळगावातील अट्टल घरफोडे जळगाव गुन्हे शाखेच्या जाळ्यात

सोने मोडण्यापूर्वीच आरोपींना अटक
रविवारी मोहनसिंग जगदिशसिंग बावरी (18) व सोनूसिंग जगदिशसिंग बावरी (22) ही भावंडे चोरीतील सोने मोडण्यासाठी सराफ बाजारात आल्यानंतर त्यांच्या मुसक्या आवळण्यात आल्या. आरोपींना सायंकाळी रामानंद नगर पोलिसांच्या ताब्यात देण्यात आले. दरम्यान, शहरातील
महाबळमधील श्रीधर नगरातील उदय प्रल्हाद थोरात यांच्याकडे 5 जानेवारी 2020 च्या रात्री बंद घराचे कुलुप तोडून चोरट्यांनी कपाटातील तीन लाख 58 हजार 650 रुपयांचे दागिने लांबविले तर 21 जानेवारीच्या रात्री आदर्श नगरातील लायन्स क्लबजवळील उपकोषागार अधिकारी नसीम हमीद तडवी (52) यांच्याकडेही घरफोडी होऊन दीड लाखाचे दागिने लांबवण्याची घटना घडली होती. दोघा बावरी भावंडांनी ही चोरी केल्याचे सांगण्यात आले.