सतीश अण्णांचे वक्तव्य गैरसमजातून ; संजय पवार तर गल्लीतले नेते : आमदार एकनाथराव खडसे

Satish Anna’s statement from misunderstanding ; Sanjay Pawar is a street leader: MLA Eknathrao Khadse जळगाव : माजी मंत्री सतीश अण्णा पाटील यांनी केलेले वक्तव्य हे गैरसमजातून असल्याचा दावा राष्ट्रवादीचे नेते आमदार एकनाथराव खडसे यांनी पत्रकार परीषदेत केला. संजय पवार यांनी केलेल्या आरोपांवर उत्तर देताना आमदार खडसे म्हणाले की मी, पक्षाच्या नेत्यांना उत्तर देण्यास बांधील आहे, गल्लीतल्या नेत्यांना उत्तर देण्यास नाही. एकनिष्ठतेचे संजय पवार यांनी बोलू नये, असा टोलाही खडसे यांनी लगावला. रावेर लोकसभेतील उमेदवारीवरून होत असलेल्या आरोपांचे स्पष्टीकरण आमदार खडसे यांनी जळगावातील निवासस्थानी झालेल्या पत्रकार परीषदेत दिले.

प्रकृतीमुळे निवडणूक लढवणे अशक्य
आमदार खडसे म्हणाले की, काही महिन्यांपूर्वीच प्रकृती अस्वास्थामुळे लोकसभेची निवडणूक लढविणार नसल्याचे कळविले होते. त्यामुळे मी पक्षाला अंधारात ठेवलेले नाही. तसेच रावेर लोकसभा मतदारसंघात राष्ट्रवादी शरद पवार गटाकडून तगडा उमेदवार दिला जाणार असून, लुटुपुटुची लढाई या मतदारसंघात होणार नाही तर काट्याचीच लढत होईल, असे त्यांनी सांगितले.