चाळीसगावचे चित्रकार, कवी दिनेश चव्हाण यांचा फिल्मसिटीत सन्मान

चाळीसगाव : चाळीसगाव शहरातील चित्रकार कवी दिनेश चव्हाण यांना रविवार, 21 रोजी मुंबईतील सहारा इंटरनॅशनल हॉटेलमध्ये फिल्म सोसायटीतर्फे झालेल्या आयसीसीए इंटरनॅशनल कन्टेन्ट अवॉर्ड फक्शन कार्यक्रमात प्रमुख अतिथी म्हणून निमंत्रित करण्यात आले होते. याच कार्यक्रमात राम ‘तेरी गंगा मैली फेम बॉलिवूड अभिनेत्री मंदाकिनी मुख्य अतिथी होत्या. अतिशय रंगतदार आशा या सोहळ्यास बॉलिवूड, टोलिवूड, तसेच चित्रपट, टेलिव्हिजन क्षेत्रातील अनेक दिग्गज कलाकार उपस्थित होते. फिल्म क्षेत्रातील विविध गुणवंतांना या वेळी पुरस्काराने सन्मानित करण्यात आले. रेकॉर्ड होल्डर आर्टिस्ट, कवी साहित्यिक म्हणून यावेळी दिनेश चव्हाण यांचाही सन्मान व्यासपीठाने व मंदाकिनी यांच्याहस्ते करण्यात आला.

हुबेहूब प्रतिमा पाहनू मंदाकिनी भारावल्या
यावेळी चित्रकार दिनेश चव्हाण यांनी आपल्या कलाकुसर मधून मंदाकिनी यांचे फास्टेस्ट स्केच काढून त्यांना भेट दिले. यावेळी आपली हुबेहूब प्रतिमा अल्पावधी रेखाटन पाहून त्या भरावल्या व समाधान व्यक्त केले. फावल्या वेळेत दिनेश चव्हाण यांनी चित्र रेखाटनाची थोडक्यात माहिती मंदाकिनी यांना दिल्याने त्यांनी त्यांचे खास कौतुक केले. दिनेश चव्हाण हे चित्रकलेच्या माध्यमातून सर्वांना परिचित आहेतच शिवाय एक कवी, साहित्यिक म्हणूनही त्यांचा नावलौकिक आहे. हा मानाचा सन्मान प्राप्त झाल्याबद्दल त्यांच्यावर अभिनंदनाचा वर्षाव होत आहे.