पाळधीजवळील झुरखेडा गावठाणात 25 पासून धीरेंद्र शास्त्री महाराजांचे प्रवचन
25 डिसेंबर ते 30 डिसेंबर या कालावधीत होणार आहे कथा
Dhirendra Shastri Maharaj’s sermon from 25th at Jurkheda village station near Paladhi पाळधी (10 डिसेंबर 2024) : पाळधी जवळील झुरखेडा गावठाणात येत्या 25 डिसेंबर ते 30 डिसेंबर या कालावधीत बागेश्वर धाम येथील बाबाजी धीरेंद्र शास्त्री यांच्या भव्य दिव्य कथेचे आयोजन करण्यात आले आहे. या आयोजनासाठी झालेल्या नियोजनाच्या बैठकीत माजी जिल्हा परिषद सदस्य प्रतापराव गुलाबराव पाटील, पी.सी.आबा पाटील, त्रिमूर्ती शैक्षणिक संस्थेचे संचालक मनोज पाटील, विविध गावांचे सरपंच आणि कार्यकर्ते उपस्थित होते.
तयारीबाबत विस्तृत चर्चा
बाबाजी धीरेंद्र शास्त्री यांच्या दिव्य कथेचे आयोजन संदर्भात झालेल्या बैठकीत आयोजनाची सर्व तयारी आणि व्यवस्था याबाबतचे विस्तृत चर्चा झाली. प्रतापराव पाटील यांनी आयोजनासाठी आवश्यक असलेल्या सुविधा आणि संसाधनांची पूर्तता करण्याचे आश्वासन दिले. बाबाजी धीरेंद्र शास्त्री यांच्या दिव्य कथेमुळे समुदायात आध्यात्मिक जागृती होण्यास मदत होईल. या आयोजनातून लोकांना धार्मिक आणि सांस्कृतिक मूल्यांची जाणीव करून देण्याचा प्रयत्न केला जाईल.असा विश्वास त्यांनी व्यक्त केला.
आयोजनासाठी आवश्यक मदतीचे आवाहन
विविध गावांचे लोकप्रतिनीधी आणि कार्यकर्ते यांनी आयोजनासाठी आवश्यक असलेली मदत आणि सहकार्य देण्याचे वचन दिले. या आयोजनामुळे स्थानिक समुदायात एकता आणि सामाजिक सौहार्द वाढेल, असा विश्वास व्यक्त केला गेला.
धार्मिक, सांस्कृतिक आणि आध्यात्मिक अनुभव मिळणार
बागेश्वर धाम येथील बाबाजी धीरेंद्र शास्त्री यांच्या दिव्य कथेचे आयोजन हे झुरखेडा गावठाणासाठी एक महत्त्वाचे आणि आनंददायी कार्यक्रम असणार आहे. या आयोजनामध्ये लोकांना धार्मिक, सांस्कृतिक आणि आध्यात्मिक अनुभव मिळेल, याची खात्री करण्यासाठी सर्वजण एकत्रीतपणे काम करीत आहेत.
