माजी पंतप्रधान मनमोहन सिंग यांना आता झेड प्लस सुरक्षा

नवी दिल्ली : माजी पंतप्रधान मनमोहन सिंग यांना असलेली विशेष सुरक्षा दलाची (एसपीजी) सुरक्षेऐवजी त्यांना झेड प्लस सुरक्षा देण्याचा निर्णय घेण्यात आला असून केंद्रीय गृहमंत्रालयाकडून याबाबत स्पष्टीकरणही देण्यात आले आहे. सध्या विविध नेत्यांच्या सुरक्षेचा घेण्यात येणारा आढावा घेतला जात आहे. सुरक्षा संस्थांकडून संबंधित व्यक्तीला असलेला धोका लक्षात घेऊन अत्यंत व्यावसायिक पद्धतीने त्याचे मूल्यमापन केले जाते. यानंतर संबंधित व्यक्तीला कोणत्या प्रकराची सुरक्षा पुरवायची हा निर्णय घेतला जातो. त्यामुळे आता मनमोहन सिंग यांना झेड प्लस सुरक्षा देण्यात येईल. काही दिवसांपूर्वीच केंद्र सरकारने काही खासदारांची सुरक्षाही काढून घेतली होती. त्यामुळे 1300 पेक्षा अधिक कमांडोंचे मनुष्यबळ उपलब्ध झाले होते. यासाठी गृह मंत्रालयाने 350 अतिमहत्त्वाच्या लोकांच्या सुरक्षेचा आढावा घेतला होता.
