नंदुरबारात छेडखानीच्या वादातून तुफान दगडफेक : 14 जणांना अटक

आरोपींना ताब्यात देण्याच्या मागणीसाठी दगडफेक
पोलिस सूत्रांच्या माहितीनुसार, सुरत येथून नंदुरबारकडे येणार्‍या एका महिलेची रेल्वेत छेडखानी झाल्यानंतर रेल्वेतील पोलिसांना माहिती देण्यात आल्याने तिघा संशयतांना ताब्यात घेण्यात आले तर पीडीतेने नंदुरबारमधील नातेवाईकांना घटनेची माहिती दिल्यानंतर संतप्त नातेवाईक रेल्वे स्थानकावर गाडी येण्याच्या प्रतीक्षेत थांबून होते. गाडी आल्यानंतर जमावाने आरोपींना ताब्यात देण्याची मागणी केली मात्र पोलिसांनी कारवाई करण्याचे आश्‍वासन दिल्यानंतर जमाव ऐकण्याच्या मनस्थितीत नसल्याने अचानक दगडफेक सुरू झाली तर या घटनेत एक पोलिस अधिकारी जखमी होवून अन्य चार ते पाच कर्मचार्‍यांनाही किरकोळ ईजा झाली. पोलिसांनी या प्रकरणी 14 संशयीतांना अटक केली असून अन्य संशयीतांचा कसून शोध सुरू असल्याचे सांगण्यात आले.