धुळे तालुका पोलिसांची मोठी कामगिरी : मोटारसायकल चोरीचा गुन्हा उघड, चार दुचाकींसह आरोपी जाळ्यात

Major Breakthrough by Dhule Taluka Police: Motorcycle Theft Case Solved; Accused Apprehended Along with Four Two-Wheelers धुळे (22 मे2026) : धुळे तालुका पोलिसांनी मोटारसायकल चोरीच्या गुन्ह्याचा छडा लावत अवघ्या काही तासांत आरोपीला अटक करून चोरीस गेलेल्या चार मोटारसायकली हस्तगत केल्या आहेत. या कारवाईत सुमारे एक लाख 15 हजार रुपयांचा मुद्देमाल जप्त करण्यात आला असून पोलिसांच्या सतर्कतेमुळे चोरीच्या घटनांवर आळा बसण्यास मदत झाली आहे.

गोपनीय माहितीवरून कारवाई
पोलिसांनी दिलेल्या माहितीनुसार, 23 मार्च 2026 रोजी फिर्यादी प्रल्हाद गोरख फुलपगारे (रा. भगवती कॉलनी, देवपूर, धुळे) यांनी त्यांची हिरो एचएफ डिलक्स (एमएच-18/बीबी-0750) ही मोटारसायकल मोराणे शिवारातील हॉटेल कारीयावाडी समोरून अज्ञात चोरट्याने लांबवली व या प्रकरणी धुळे तालुका पोलिस ठाण्यात दाखल नोंद करण्यात आला होता. या गुन्ह्याचा तपास सुरू असताना पोलीस निरीक्षक धनंजय पाटील यांना मिळालेल्या गोपनीय माहितीच्या आधारे पोलिसांनी संशयित धनराज उर्फ धन्या राजू जांगिळ (21, रा. जुना टोल नाका जवळ, संबोधी नगर, सुरत बायपास, धुळे) याला ताब्यात घेऊन चौकशी केली. चौकशीदरम्यान त्याने मोटारसायकल चोरीची कबुली दिली.