धुळ्यातील लळींग घाटात विचित्र अपघातात सहा जण ठार

Six killed in a bizarre accident at Laling Ghat in Dhule धुळे (25 मे 2026)  धुळ्यातून एक धक्कादायक बातमी समोर आली असून तिहेरी अपघातात पाच जणांचा मृत्यू झाल्याचे सांगण्यात आले. मुंबई-आग्रा राष्ट्रीय महामार्गावरील लळिंग घाटात सोमवार, 25 रोजी पहाटे हा अपघात घडला. वाळू वाहतूक करणारा डंपर एका वाहनाला धडकल्यानंतर त्याचवेळी पाठीमागून आलेली ट्रॅव्हल्स धडकली. या अपघातात सहा जणांचा जागीच मृत्यू झाला असून 10 ते 12 जण गंभीर जखमी झाल्याचे समजते. विशेष म्हणजे अपघातग्रस्तांना मदतीसाठी धावणार्‍या टोल कर्मचार्‍यांचाही या अपघातात मृत्यू झाला आहे. या अपघातामुळे महामार्गावरील वाहतूक काही काळ विस्कळीत झाली होती.

असा घडला अपघात ?
धुळ्याजवळील लळिंग घाटातून भरधाव वेगाने जाणार्‍या रेतीच्या डंपरवरील चालकाचे नियंत्रण सुटले. यामुळे डंपर विरुद्ध बाजूला गेला आणि समोरून जाणार्‍या एका वाहनावर धडकला. याचवेळी मालेगावकडून आलेले ट्रॅव्हल्स वाहन अपघातग्रस्त वाहनांवर जोरदार आदळल्यानंतर वाहनाचा चुराडा झाला.