भुसावळात रविवारी ‘नेवे-वाणी समाज मंडळा’तर्फे बॉक्स क्रिकेट स्पर्धेचे रणशिंग !

जळगाव (11 जून 2026) : शहरातील नेवे-वाणी समाज मंडळाच्या वतीने रविवार, 14 जून 2026 रोजी भव्य ‘बॉक्स क्रिकेट स्पर्धा-2026’ चे आयोजन करण्यात आले आहे. यावल रोडवरील पोदार इंटरनॅशनल स्कूलच्या मैदानावर सकाळी सहा वाजेपासून या क्रीडा महोत्सवाला सुरुवात होईल.

समाजातील युवा खेळाडूंच्या सुप्त गुणांना वाव मिळावा, त्यांना प्रोत्साहन मिळावे आणि सर्व समाजबांधव एकत्र यावेत, या उद्देशाने या स्पर्धेचे आयोजन करण्यात आले आहे. सकाळी सहा वाजता शानदार रविवार, 14 जून रोजी सकाळी सहा वाजता विविध क्षेत्रातील मान्यवरांच्या हस्ते या स्पर्धेचे शानदार उद्घाटन होईल.

या स्पर्धेत एकूण 31 सामने खेळवले जाणार असून, संपूर्ण दिवसभर क्रिकेटचा थरार अनुभवायला मिळणार आहे. रात्री आठ वाजता बक्षीस वितरण समारंभाने या स्पर्धेचा समारोप होईल. विविध शहरांतून संघांची नोंदणीया स्पर्धेला राज्य आणि राज्याबाहेरून देखील मोठा प्रतिसाद मिळाला आहे. यामध्ये प्रामुख्याने खालील शहरांतून संघ दाखल झाले आहेत

महाराष्ट्र : भुसावळ, जळगाव, साकळी, यवतमाळ, पुणे, रिंगणगाव, चुंचाळे, यावल आणि मुंबई.

इतर राज्ये बर्‍हाणपूर (म.प्र.) आणि सुरत (गुजरात). समाजबांधवांना उपस्थित राहण्याचे आवाहनया क्रीडा महोत्सवाच्या निमित्ताने संपूर्ण समाज एकत्र येत आहे. भुसावळ व परिसरातील सर्व समाजबांधवांनी सहकुटुंब, सहपरिवार दिवसभर उपस्थित राहून खेळाडूंचा उत्साह वाढवावा, असे आवाहन मंडळाच्या वतीने किशोर गजानन नेवे (अध्यक्ष), दीपक हरिभाऊ नेवे (उपाध्यक्ष), राम सुधाकर माहूरकर (सचिव), विनीता सुनील नेवे (अध्यक्षा, महिला मंडळ), अंजली प्रशांत नेवे (उपाध्यक्ष, महिला मंडळ), पूजा उदय नेवे (सचिव, महिला मंडळ) आदींनी केले आहे.