शिक्षक दिनानिमित्त उद्या थोर सन्मित्र युवा फाउंडेशनकडून 55 शिक्षकांचा होणार सन्मान

थोरगव्हाण, ता.रावेर (गुरुवार, 3 सप्टेंबर 2026) : सामाजिक कार्यातील अग्रेसर थोर सन्मित्र युवा फाउंडेशन, थोरगव्हाण यांच्या वतीने शिक्षक दिनानिमित्त शनिवार, 5 रोजी सकाळी 9.45 वाजता 55 शिक्षकांचा सन्मान करण्यात येणार आहे. थोरगव्हाण येथील डी.एस. देशमुख माध्यमिक व उच्च माध्यमिक विद्यालयात हा सोहळा होईल.

या समारंभात डी. एस. देशमुख विद्यालयातील कार्यरत शिक्षक व शिक्षकेतर कर्मचारी, सेवानिवृत्त शिक्षक व शिक्षकेतर कर्मचारी तसेच थोरगव्हाण केंद्रातील जिल्हा परिषद शाळांतील शिक्षक यांचा सन्मान करण्यात येणार आहे. या उपक्रमात एकूण 55 शिक्षकांचा सत्कार करण्यात येईल.