सुट्टीत बाहेरगावी जाताय ! रोकडसह मौल्यवान वस्तू बँकेत ठेवा : फैजपूरचे सहाय्यक निरीक्षक संदीप पाटील यांचे आवाहन

गल्लीतील बरेचसे कुटुंब हे सुटीवर जात असल्यास त्यांनी काही दिवसांकरीता गल्लीमध्ये रात्र गस्तीसाठी गुरखा नेमावा तसेच त्याबाबत पोलिस स्टेशनला कळवून तेथे गस्त करण्याची मागणी नोंदवावी व बंद घराच्या परीसरातीत लाईट सुरू राहील याची व्यवस्था करावी. आपल्या गल्लीमध्ये किंवा घराचा परीसर दिसेल अशा ठिकाणी सीसीटीव्ही कॅमेरे लावण्याचा प्रयत्न करावा तसेच आपल्या शेजारच्यांशी संपर्कात रहावे, असेही आवाहन पोलीस यंत्रणेने केले आहे.

‘शेजारी हाच खरा पहारेकरी’
‘आपला शेजारी हाच खरा पहारेकरी’ या म्हणीप्रमाणे आपले शेजारी यांना आपण बाहेरगांवी जात असल्यास विश्वासात घेवून कळविणे आवश्यक आहे. आपल्या आयुष्याची कमाई ही बंद घरामध्ये ठेवून पश्चातापाची वेळ आणू नका ती सुरक्षीतरीत्या बँकेच्या लॉकरमध्ये ठेवण्याबाबत प्रयत्न करावा. रात्री-अपरात्री कुठलाही संशयीत व्यक्ती गल्लीत फिरतांना आढळल्यास पोलिस स्टेशनशी संपर्क करावा किंवा डायल 112 यावर कॉल करुन पोलिसांना अवगत करावे. संशयीत व्यक्ती मिळून आल्यास त्यास मारहाण न करताना पोलिसांना सूचित करावे, असे आवाहन सहा.निरीक्षक संदीप पाटील यांनी फैजपूर हद्दीतील नागरिकांना केले आहे.

सोशल मिडीयावरील पोस्ट टाळण्याचे आवहान
फैजपूर पोलिसांनी नागरिकांना केलेल्या आवाहनानुसार घर व परिसरात सीसीटीव्ही कॅमेरे बसवून ते व्यवस्थित सुरू असल्याची खात्री करावी. रात्रीच्या वेळी परिसरात संशयास्पद व्यक्ती फिरताना आढळल्यास तत्काळ पोलिसांना माहिती द्यावी. नागरिकांनी आपल्या परिसरात रात्री गस्त घालण्याबाबतही जागरूक राहावे. अनोळखी व्यक्तींना घरात प्रवेश देऊ नये. सोशल मीडियावर आपण बाहेरगावी असल्याची माहिती किंवा प्रवासाचे तपशील सार्वजनिक करू नयेत, असे आवाहन करण्यात आले आहे. नागरिकांनी स्वतःच्या सुरक्षिततेसोबतच शेजार्‍यांच्या घरांवरही लक्ष ठेवावे. कोणतीही संशयास्पद हालचाल आढळल्यास तत्काळ पोलिसांशी संपर्क साधावा. आपत्कालीन परिस्थितीत 112 या हेल्पलाइन क्रमांकावर संपर्क साधावा अथवा फैजपूर पोलीस स्टेशनच्या 02585-245234 या क्रमांकावर संपर्क साधण्याचे कळवण्यात आले आहे.