पतंजली एजन्सीच्या नावाने अनेकांना गंडवले : बिहारमधील भामटा जाळ्यात
जळगाव सायबर सेलची कामगिरी : बिहारात जमवली कोट्यवधींची माया
जळगाव : पतंजली एजन्सीची बनावट वेबसाईट बनवून जळगावसह राज्यातील अनेकांना लाखोंचा चुना लावणार्या बिहारमधील महाठगास जळगाव सायबर सेलच्या पथकाने बिहारातील बिहारशरीफ गावातून अटक केली आहे. नितीशकुमार (बिहारशक्ती, नांलदा, बिहार) असे अटकेतील आरोपीचे नाव आहे. आरोपी जळगावातील एकाला पतंजलीची एजन्सी व वस्तू देण्याच्या नावाखाली सहा ते सात लाखात गंडवल्याप्रकरणी दाखल गुन्ह्यात आरोपीला अटक करण्यात आली.
यांच्या पथकाने आवळल्या मुसक्या
जिल्हा पोलिस अधीक्षक पंजाबराव उगले, अपर पोलिस अधीक्षक भाग्यश्री नवटके यांच्या मार्गदर्शनाखाली जळगाव सायबर सेलचे पोलिस निरीक्षक दत्तात्रय परदेशी यांच्या नेतृत्वात उपनिरीक्षक अंगद नेमाणे, हवालदार प्रवीण वाघ, नाईक दिलीप चिंचोले यांच्या पथकाने आरोपीला बिहारशक्तीमधून अटक केली. सायंकाळपर्यंत हे पथक आरोपीला घेवून जळगावात येत असल्याचे सूत्रांनी सांगितले.
