धनाजी नाना महाविद्यालयाला 3.24 सीजीपीए ‘अ’ श्रेणी
श्रेणी प्राप्त करणारे उत्तर महाराष्ट्रातील फैजपूरचे एकमेव महाविद्यालय
फैजपूर- तापी परिसर विद्या मंडळ संचलित धनाजी नाना महाविद्यालय नॅकच्या तिसर्‍या सायकलला 3.24 सीजीपीए मिळवून अ 4 श्रेणी प्राप्त करणारे उत्तर महाराष्ट्रातील एकमेव महाविद्यालय ठरले आहे. नॅकच्या नवीन फ्रेमवर्क नुसार कवयित्री बहिणाबाई चौधरी उत्तर महाराष्ट्र विद्यापीठात धनाजी नाना महाविद्यालयाने सर्वाधिक ग्रेड मिळवली आहे. याआधी 2004 मध्ये महाविद्यालयाला बी.प्लस आणि 2011 मध्ये बी (2.92 सीजीपीए) ग्रेड मिळाली होती. दरम्यान महाविद्यालयाच्या व्यवस्थापन व कार्यकारी मंडळ, प्रशासन यांच्या मार्गदर्शनाखाली महाविद्यालयाने विविध बाबींमध्ये लक्षणीय प्रगती साधली आहे. या सोबत विद्यार्थी केंद्रित गुणवत्तापूर्ण अध्ययन अध्यापन आणि स्टुडंट सपोर्ट यात महाविद्यालयाने प्रगती केली आहे. यापूर्वी महाविद्यालयाने आयएसओ 2008 आणि 2015 मानांकन प्राप्त केले आहे. कवयित्री बहिणाबाई चौधरी उत्तर महाराष्ट्र विद्यापीठाच्या गुणवत्ता सुधार कार्यक्रमात दोनदा ‘अ’ श्रेणी मिळवली आहे.
श्रेणी मिळवण्यासाठी यांचे परीश्रम मोलाचे
महाविद्यालयातील नॅक समिती समन्वयक उपप्राचार्य डॉ.उदय जगताप यांच्या मार्गदर्शनाखाली उपप्राचार्य ए.आय.भंगाळे, डॉ.आर.पी.महाजन, डॉ. डी.ए.कुमावत, डॉ.ए.के.पाटील, डॉ.एस.व्ही.जाधव, डॉ.नितीन चौधरी, प्रा.राजेंद्र राजपूत, प्रा.राकेश तळेले, प्रा.हरीष नेमाडे, प्रा.हरीष तळेले, प्रा.शिवाजी मगर यांनी काम पाहिले. या उत्तुंग यशाबद्दल तापी परिसर मंडळाचे अध्यक्ष तथा रावेर विधानसभा मतदारसंघाचे माजी आमदार शिरीष चौधरी, उपाध्यक्ष प्रा.डॉ.एस.के.चौधरी, उपाध्यक्ष दामोदर हरी पाटील, चेअरमन लिलाधर विश्वनाथ चौधरी, व्हा.चेअरमन प्रा.के.आर.चौधरी, सचिव प्रा.एम.टी.फिरके, सदस्य मिलिंद वाघुळदे, प्रा.पी.एच.राणे, महाविद्यालयाचे प्राचार्य प्रा.डॉ.पी.आर.चौधरी, समन्वयक डॉ.उदय जगताप आदींनी कौतुक केले.
