भुसावळात युवतीचा विनयभंग करणार्या आरोपीस अटक
भुसावळ- शहरातील एका भागातील 19 वर्षीय युवतीचा विनयभंग केल्याप्रकरणी शमशेर शहा यास जाम मोहल्ला भागातून अटक करण्यात आली. मंगळवारी रात्री 8.30 वाजेच्या सुमारास 19 वर्षीय युवती नातेवाईकाकडे जात असतांना आरोपी शमशेर कलमी शहाने मार्गावर पाण्याची बाटली फेकत युवतीचा हात ओढवला व ही घटना घरी सांगितल्यास जीवे मारण्याची धमकी दिली. आरोपीविरुद्ध विनयभंगाचा व जातीवाचक शिवीगाळ केल्याप्रकरणी मंगळवारी रात्री गुन्हा दाखल केल्यानंतर पोलिस निरीक्षक बाबासाहेब ठोंबे यांच्या मार्गदर्शनाखाली सहायक फौजदार इरफान काझी, संदेश निकम, समाधान पाटील, सुनील साळुंखे, अयाज सय्यद आदींनी आरोपीला अटक केली.
