‘जंक्शन’मध्ये गणेशोत्सवात उपद्रवींना ‘नो एंट्री’ !

असे आहेत प्रस्ताव
गणेशोत्सवाच्या पार्श्वभूमीवर पोलिसांनी संवेदनशील भागांसह संभाव्य उपद्रवी व्यक्तींची माहिती संकलीत करून त्यांना उत्सव काळात शहराबाहेर ठेवण्याचे पोलीस प्रशासनाचे नियोजन आहे. त्यात भुसावळ बाजारपेठ पोलीस ठाण्याकडून 46, भुसावळ शहर ठाण्याकडून 10, भुसावळ तालुका ठाण्याकडून चार व नशिराबाद ठाण्याकडून 29 प्रस्ताव पाठविण्यात आल्याचे सूत्र म्हणाले.

गणेश मंडळांचे कार्यक्रम, मिरवणुका आणि गर्दीच्या ठिकाणी कोणताही अनुचित प्रकार घडू नये, यासाठी पोलिसांकडून प्रतिबंधात्मक कारवाईवर भर देण्यात येत आहे. प्रस्तावित शहरबंदीच्या आदेशानंतर संबंधित व्यक्तींना 22 ते 26 सप्टेंबरदरम्यान भुसावळ शहर व परिसरात प्रवेश करता येणार नाही, अशी कार्यवाही अपेक्षित आहे.