राष्ट्रवादीचे सुप्रीमो शरद पवारांसह अजित पवारांविरुद्ध गुन्हा


महाराष्ट्र राज्य सहकारी बँक घोटाळाप्रकरणी ईडीकडून कारवाई

मुंबई : महाराष्ट्र राज्य सहकारी बँक घोटाळाप्रकरणी राष्ट्रवादीचे अध्यक्ष शरद पवार, राष्ट्रवादीचे नेते अजित पवार यांच्यावर ईडीकडून गुन्हा दाखल झाल्याने काका, पुतणे अडचणीत सापडले असून राजकीय गोटात मोठीच खळबळ उडाली. विधानसभा निवडणुकीच्या धामधुमीत हे गुन्हे दाखल करण्यात आल्याने राष्ट्रवादीसाठी हा मोठा धक्का असल्याचे जाणकार मानतात.

70 जणांविरुद्ध गुन्हे
नियमबाह्यरीत्या कर्ज वाटप केल्याचा आरोपानंतर हा गुन्हा दाखल झाला. राज्य सहकारी बँक घोटाळ्याप्रकरणी राष्ट्रवादीचे अध्यक्ष शरद पवार, माजी उपमुख्यमंत्री अजित पवार, दिलीपराव देशमुख, ईश्वरलाल जैन, जयंत पाटील, शिवाजीराव नलावडे, शिवसेनेचे आनंदराव अडसूळ, राजेंद्र शिंगणे आणि मदन पाटील यांच्यासह महाराष्ट्र राज्य सहकारी बँकेचे चेअरमनसह 70 जणांवर गुन्हे दाखल करण्यात आले. राज्य सहकारी बँकेचा 25 हजार कोटी रुपयांचा हा घोटाळा असल्याचे ईडीने म्हटले आहे. सहकारी बँकेचे आर्थिक स्थितीत कमकुवत असतानाही सहकारी साखर कारखान्यांना कर्ज मंजूर करण्यात आले. कर्ज वाटप करताना मोठ्या प्रमाणावर अनियमितता होती, असा ठपका ईडीने ठेवला.


कॉपी करू नका.