मोहाडीच्या इसमाचा नशिराबादजवळ अपघाती मृत्यू

नशिराबाद : अज्ञात वाहनाने धडक दिल्याने मोहाडीच्या इसमाचा मृत्यू झाल्याची घटना रविवारी दुपारी एक वाजता महामार्गावर नशिराबादजवळील पाटील नर्सरीजवळ घडली. नागेश रामदास सोनवणे (48, रा.मोहाडी, ता. जळगाव) असे ठार झालेल्या इसमाचे नाव आहे. बामणोद, ता.यावल येथे असलेली बहीण व मुलीच्या भेटीसाठी रविवारी दुपारी दुचाकी (क्रमांक एम.एच 19 सीएम 6706) ने जात असताना दुपारी 12.30 वाजता नशिराबाद येथे पाटील नर्सरीजवळ भरधाव वेगात येणार्‍या अज्ञात वाहनाने जोरदार धडक दिल्याने त्यांचा मृत्यू झाला. रघुनाथ रामदास सोनवणे यांच्या फिर्यादीवरुन नशिराबाद पोलिसात अज्ञात वाहनधारकांविरुद्ध गुन्हा दाखल झाला आहे. मृत सोनवणे यांच्या पश्चात पत्नी हिराबाई, मुलगा नरेश, मुलगी निशा असा परिवार आहे.

आधारकार्डवरुन पटली ओळख
नशिराबाद पोलिसांना माहिती मिळताच सहाय्यक पोलिस निरीक्षक प्रवीण साळुंखे, पोलिस उपनिरीक्षक गणेश हिवरकर, प्रवीण ढाके, गुलाब माळी, लीना लोखंडे यांच्यासह अन्य सहकार्‍यांनी घटनास्थळी धाव घेतली. आधार कार्डावरून मृताची ओळख पटली. मोहाडी येथील पोलिस पाटील शरद सोनवणे यांच्याशी पोलिसांनी संपर्क केल्यानंतर मृताच्या नातलगांशी संपर्क झाला.