रावेर : दत्तात्रय महाराज की जय.. दिगंबरा…दिगंबरा श्रीपाद वल्लभ दिगंबराच्या जयघोषात रावेर शहरातून भगवान श्रीकृष्ण यांच्या रथ परीक्रमेला शुक्रवारी दुपारी सुरुवात झाली. सुरूवातीला महिलांना रथ ओढण्याचा मान मिळाला. यावेळी हजारो भाविकांच्या उपस्थितीत भक्तिमय वातावरणात पुष्प आणि रेवड्यांची उधळण करीत शहरातील प्रमुख मार्गावरुन रथोत्सवाच्या मार्गक्रमणाला सुरुवात झाली.
