अंधेरी पोटनिवडणुकीत ऋतुजा लटके यांचा दणदणीत विजय

Rituja Latke’s resounding victory in the by-election मुंबई : अंधेरी येथील पोटनिवडणुकीत राजकीय आखाडा तापल्यानंतर या निवडणुकीतून भाजपने माघार घेतली होती त्यामुळे लटके यांचा विजय निश्चित असला तरी निवडणूक होत असल्याने निकालाकडे राज्याचे लक्ष लागले होते. पोटनिवडणुकीत शिवसेना-उध्दव बाळासाहेब ठाकरे पक्षाच्या उमेदवार ऋतुजा लटके यांचा दणदणीत विजय झाला आहे.

एकतर्फी विजय होता निश्चित
अंधेरी पूर्व विधानसभा मतदारसंघातील शिवसेनेचे आमदार रमेश लटके यांचे निधन झाल्याने तेथे पोटनिवडणूक झाली होती. यात भाजपने उमेदवार न दिल्यामुळे ही निवडणूक एकतर्फी होणार असल्याचे मानले जात होते. आणि झालेदेखील तसेच. मात्र या निवडणुकीचे वैशिष्ट्य म्हणजे यात दुसर्‍या क्रमांकावर नोटा हा पर्याय राहिला. कदाचित हे देशातील या स्वरूपाचा हा देशातील पहिलाच प्रसंग असावा.