गावठी बनावटीच्या रायफलसह संशयित जाळ्यात : चोपडा ग्रामीण पोलिसांची धाडसी कारवाई

Suspect nabbed with Gavathi fake rifle : Brave action by Chopra Rural Police चोपडा : चोपडा ग्रामीण पोलिसांनी धाडसी कारवाई करीत गावठी बनावटीच्या रायफलसह एका संशयिताच्या मुसक्या बांधल्या आहेत. चोपडा तालुक्यातील ग्रामीण पोलीस हद्दीत गलवाडे ते बुधगावजवळ ही कारवाई करण्यात आली.

दोन संशयित मोटारसायकलवर जात असताना रात्रीची गस्त घालणार्‍या पोलिसांना दोघावर संशय आल्यानंतर त्यांना थांबण्याचा इशारा करता दुचाकीस्वारामागे बसलेल्या कांतीलाल दुरसिंग पावरा (रा.महादेव दोंदवाडे, ता.शिरपूर, जि.धुळे) याने दुचाकीवरून उडी मारुन अंधाराचा फायदा पळ काढला. दुसरा संशयित आरोपी रमेश मालसिंग पावरा (33, महादेव दोंदवाडे, ता.शिरपूर) यास अटक करण्यात आली तर संशयिताकडून रायफल जप्त करण्यात आली. हवालदार राकेश तानकू पाटील यांच्या फिर्यादीवरून चोपडा ग्रामीण पोलिसात गुन्हा नोंद करण्यात आला.