साडू सोबत प्लॉट पाहून परतताना क्रुर काळाचा घाला : जळगावच्या दुचाकीस्वाराचा मृत्यू

On the way back from seeing Plaut with Sadu, insert the brutal times: Death of Jalgaon bike rider जळगाव : भरधाव बसने दिलेल्या धडकेत दुचाकीस्वाराचा जागीच मृत्यू झाला. याप्रकरणी तालुका पोलीस ठाण्यात बसचालकाविरोधात गुन्हा दाखल करण्यात आला. महेश सुरेश पाटील (47, रा.द्वारका नगर, स्वामी समर्थ कॉलनी) असे मृत झालेल्या दुचाकीस्वाराचे नाव आहे.

परतीच्या प्रवासात काळाचा घालाप
महेश पाटील हे मंगळवार, 15 ऑगस्ट रोजी दुपारी आपले साडू गणेश दिलीप पाटील यांच्यासोबत बिबानगर भागात प्लॉट पाहण्यासाठी गेले होते. त्यांचे साडू हे दुसर्‍या दुचाकीवर तर महेश पाटील हे आपल्या (एम.एच.19, डी.जे.1405) या दुचाकीवर होते. प्लॉट पाहून झाल्यानंतर ते दुपारी 4 वाजता महामार्गालगतच्या व्दारकानगर स्टॉपजवळून घराकडे वळत असतानाच समोरून भरधाव वेगाने येत असलेल्या बसने (एम.एच.40, एन.9838) दिलेल्या जोरदार धडकेत दुर फेकले गेले. त्यांच्या डोक्याला मार लागल्याने त्यांचा जागेवरच मृत्यू झाला. या प्रकरणी त्यांचे साडू गणेश पाटील यांच्या फिर्यादीवर बसचालकाविरोधात तालुका पोलीस ठाण्यात गुन्हा दाखल करण्यात आला आहे. प्राथमिक तपास अनिल फेगडे यांनी केला. पुढील तपास लिलाधर महाजन हे करत आहेत.