जळगावातील उद्योजकाने कर्जापुढे टेकले हात : गळफास घेत केली आत्महत्या

An entrepreneur in Jalgaon succumbed to debt and committed suicide by hanging himself जळगाव : कर्जापुढे हात टेकत जळगावातील अमित जयरामदास माखीजानी (43, रा. समृद्धी अपार्टमेंट, आदर्शनगर) या उद्योजकाने गळफास घेवून आत्महत्या केली. ही घटना बुधवार, 16 ऑगस्ट रोजी सकाळी 8 वाजता उघडकीस आली. याप्रकरणी रामानंद नगर पोलिसात अकस्मात मृत्यूची नोंद करण्यात आली.

कर्जाच्या ओझ्याने त्रस्त
जळगाव शहरातील आदर्श नगरात अमित माखीजानी हे आपल्या कुटुंबियांसह वास्तव्यास होते. सुरुवातीला त्यांचा मेडीकलचा व्यवसाय होता, मात्र त्यांनी तो बंद करीत एमआयडीसी परिसरात कागदपासून तयार होणार्‍या उत्पादनाची फॅक्टरी टाकली. त्यासाठी अमित माखीजानी यांनी बँकेकडून कर्ज घेतले होते. परंतु बँकेकडून कर्जाच्या वसुलीसाठी तगादा लावलेला होता. तसेच त्यांनी जप्तीची नोटीस देखील पाठविली होती. तेव्हापासून अमित माखीजानी हे तणावात होते. दरम्यान, आज बुधवारी 16 ऑगस्ट रोजी सकाळी 8 वाजता त्यांनी घरातील बेडरुममध्ये गळफास घेवून आपली जीवनयात्रा संपविली. अमित हे गळफास घेतलेल्या अवस्थेत दिसून आल्याने त्यांच्या कुटुंबियांना धक्काच बसला.