जळगाव जिल्हा कारागृहातून खुनातील कैद्याचे भर दिवसा पलायन : पाठलागाअंती आवळल्या मुसक्या

Murder prisoner escapes from Jalgaon District Jail in broad daylight : Smiles after the chase जळगाव : जळगाव जिल्हा कारागृहातून खुनाच्या आरोपीतील कैद्याने जेलमधील पोलीस कर्मचार्‍याला धक्का देत पलायन केले मात्र आरडा-ओरड केल्यानंतर पाठलागाअंती संशयिताला जिल्हाधिकारी कार्यालयाच्या गेटवरच शिताफीने पकडण्यात यश आले. विजय चैनाम सावकारे (23, रा.चुंचाळे. ता.यावल) असे अटकेतील संशयिताचे नाव आहे. हा धक्कादाकयक प्रकार शनिवार, 16 सप्टेंबर रोजी सकाळी सव्वासहा वाजेच्या सुमारास घडला. संशयिताविरोधात जिल्हापेठ पोलिसात गुन्हा दाखल करण्यात आला.

शिपायाला धक्का देत केले पलायन
निवृत्ती काशिनाथ पवार हे कारागृहात शिपाई म्हणून नोकरीस आहे. शनिवारी सकाळी ते कर्तव्यावर असता सव्वासहा वाजेच्या सुमारास कारागृहाचा दरवाजा बाहेरुन कोणीतरी ठोठावल्यानंतर पवार यांनी खिडकीतून डोकावून पाहिले असता त्यांना कोणीही दिसून न आल्याने त्यांनी दरवाजा उघडून पाहताच कारागृहातील बंदी विजय सावकारे याने धक्का देत कारागृहाच्या मेनगेटमधून पळ काढला.