भुसावळ : शहरात अमृत योजनेचे संथ गतीने काम सुरू असून यावल रस्त्यावरील मेन रायझिंगची पाईप लाईन काढण्यात आल्यानंतर व्यवस्थीत दबाई न झाल्याने मंगळवारी सिमेंट वाहतूक करणारा ट्रक (एम.एच.09 एच.एच.6874) यावल रस्त्यावरील साईजीवन सुपर शॉपसमोर फसला. दरम्यान, यावल रस्त्याच्या डांबरीकरणाचे भूमिपूजन होवूनही प्रत्यक्षात डांबरीकरण होत नसल्याने वाहनधारकांना प्रचंड मनस्ताप सोसावा लागत आहे.
