जळगावातील कुविख्यात गुरूजीतसिंग बावरीसह त्रिकूट एमआयडीसी पोलिसांच्या जाळ्यात

Jalgaon’s notorious Gurujit Singh Bawari along with the trio in the MIDC police net जळगाव : मारहाण व दमदाटी करीत महाविद्यालयीन विद्यार्थ्याकडील 14 हजार 950 रुपयांचा मुद्देमाल लूटण्यात आल्याची घटना 3 रोजी रात्री मेहरुणजवळील जे.के.पार्कजवळ घडली होती. गुन्हा दाखल झाल्यानंतर पोलिसांनी तपासचक्रे फिरवत कुविख्यात गुरूजीतसिंग सुजाणसिंग बावरीसह महेश संतोष भोई, समीर राजू तडवी (22, अजमेरी गल्ली, तांबापुरा, जळगाव) यांना बेड्या ठोकल्या आहेत. आरोपी गुरूजीतसिंग हा कुविख्यात आरोपी असून त्याच्याविरोधात तब्बल 17 गुन्हे जबरी लूट व चोरीचे गुन्हे दाखल आहेत. आरोपीने चौकशीदरम्यान मेहरुण परिसरातून तीन दुचाकींची चोरी करीत या दुचाकी मेहरुण तलावात टाकल्याची कबुली दिली आहे.

लूट प्रकरणात आरोपींना बेड्या
कुणाल विजय सोनार (22, शिव कॉलनी, जळगाव) या तरुणाला चौकडीने मारहाण करीत त्याच्याकडील चांदीचे ब्रेसलेट, मोबाईल व 950 रुपयांची रोकड हिसकावली होती. 3 रोजी रात्री नऊ वाजता मेहरुण जवळील जे.के.पार्कजवळ लुटीची घटना घडल्यानंतर एमआयडीसी पोलिसात गुन्हा दाखल करण्यात आला. एमआयडीसी पोलिसांनी तपासचक्रे फिरवत बावरी व त्याच्या अन्य तीन साथीदारांना निष्पन्न करीत बेड्या ठोकल्या.