दोन वर्षानंतर गवसला शिरसाडमधील दुचाकी चोर

फैजपूर- यावल तालुक्यातील चिखली बु.॥ येथील जिल्हा परीषद शाळेसमोर लावलेली आठ हजार रुपये किंमतीची दुचाकी (एम.एच.19 बी.ए.3352) ही 23 मे 2017 रोजी चोरी झाली होती. तब्बल दोन वर्षानंतर या मोटारसायकल चोरी प्रकरणी चोरट्यास अटक करण्यात यश आले आले आहे. जळगाव स्थानिक गुन्हा शाखेच्या पोलिसांनी शंकर नथ्थु सपकाळे (24, रा.शिरसाड ता.यावल) याला स्थानिक पोलिसांच्या मदतीने अटक केली असून आरोपीकडून चोरीला गेलेली दुचाकी जप्त करण्यात आली. 18 रोजी या प्रकरणी चोरीचा गुन्हादेखील दाखल करण्यात आला. तपास सहाय्यक पोलिस निरीक्षक प्रकाश वानखडे, हवालदार गोकुळ तायडे करीत आहेत. दरम्यान, अटकेतील चोरट्याकडून दुचाकी चोरीचे आणखी काही गुन्हे उघड होण्याची शक्यता आहे.