संधी दिल्यास रावेर मतदारसंघाचा विकास निश्चित : अमोल जावळे

रावेर (18 नोव्हेंबर 2024) : रावेर विधानसभा मतदारसंघात निवडणूक प्रचारात मला जनतेचा उत्स्फूर्त असा प्रतिसाद मिळाला असून मतदारांनी मला एकदा संधी दिल्यास रावेर मतदारसंघाचा निश्चितपणे विकास करून या संधीचे सोनं करून दाखवेल, असे आश्वासन महायुतीचे रावेर मतदार संघाचे उमेदवार अमोल जावळे यांनी सोमवारी रावेरसह पाल भागात प्रचार दौर्‍यादरम्याने दिले.

घरा-घरापर्यंत केला प्रचार
उमेदवारी जाहीर झाल्यानंतर अमोल जावळे यांनी मतदारसंघातील प्रत्येक गाव आणि गाव पिंजून काढले आहे. भाजपचे संघटन हे अत्यंत मजबूत असून कार्यकर्त्यांनी अमोल जावळे यांच्यासाठी जीवाचे रान केले. मतदारसंघात भाजपचे जेष्ठ नेते केंद्रीय गृहमंत्री अमित शहा, केंद्रीय मंत्री सी.आर पाटील, चित्रा वाघ आदी नेत्यांच्या सभा पार पडल्या त्यामुळे वातावरण निर्मिती झाली. भाजप महायुतीच्या कार्यकर्त्यांमध्ये उत्साह निर्माण झाला असून नेत्यांच्या प्रचार सभा, रोड शो कॉर्नर सभा आणि विशेषतः घराघरात जाऊन कार्यकर्त्यांनी अमोल जावळे यांचा प्रचार केला आहे.

राज्यात महायुतीचे सरकार येणार : कार्यकर्त्यांचा विश्वास
हिंदुत्व आणि केंद्रात भाजपचे सरकार असल्याने राज्यातही महायुतीचे सरकार येईल, असा विश्वास पदाधिकारी व कार्यकर्त्यांना असून त्यामुळे निश्चितपणे रावेर मतदारसंघात अमोल जावळे यांचा विजय होईल, असा आशावाद कार्यकर्त्यांना आहे. गतवेळी स्वर्गीय हरिभाऊ जावळे यांचा पराभव झाल्याचे शल्य कार्यकर्त्यांना असून यावेळी विजय खेचून आणून अमोल जावळे यांच्या रूपाने महायुतीचा आमदार विधानसभेत पोहोचावा यासाठी भाजपासह महायुतीतील घटक पक्ष आणि संघ कार्यकर्त्यांनी नियोजनबद्ध प्रचार केला आहे.

संकटमोचक प्रचारात
अमोल हरिभाऊ जावळ हे प्रचारामध्ये गुंतल्याने त्यांच्या प्रचाराची रणनीती मंत्री गिरीश महाजन यांनी खांद्यावर घेतली आहे. स्थानिक कार्यकर्ते यांनी प्रचारात झोकून काम केले आहे. स्वर्गीय हरिभाऊ जावळे यांची उणीव भरून काढण्यासाठी अमोल जावळे यांना आमदार म्हणून विधानसभेत पाठवावे यासाठी कार्यकर्ते सज्ज झाले आहे.

यांचा प्रचारात सहभाग
प्रसंगी सुरेश धनके, पद्माकर महाजन, प्रल्हाद पाटील, गोपाळ नेमाडे, हरलाल कोळी, अहमद तडवी, जितू पाटील, मिलिंद वायकोळे, महेश पाटील, चेतन पाटील, विजय महाजन, वासुदेव नरवाडे, आशाताई सपकाळे, वासुदेव नरवाडे, सुरेश पवार, जितू पवार, धनसिंग पवार यांच्यासह महायुतीचे सन्माननीय पदाधिकारी, बूथ प्रमुख, कार्यकर्ते आणि ग्रामस्थ मोठ्या संख्येने उपस्थित होते व त्यांनी या दौर्‍यात अमोल जावळेंना भक्कम विजयाची खात्री दिली.