ट्रॅक्टर उलटून दोघे ठार : नंदुरबार तालुक्यातील घटना


Two killed on the spot as tractor overturns due to broken steering न्यूज नेटवर्क । नंदुरबार (24 डिसेंबर 2024)  स्टेरिंगचा रॉड तुटल्याने ट्रॅक्टर फरशीवरुन उलटताच ट्रॅक्टर मालक शेतकर्‍यासह चालकाचा मृत्यू झाला. ही धक्कादायक घटना नंदुरबार तालुक्यातील घोटाणे येथे घडली.

अचानक उलटले ट्रॅक्टर
घोटाणे येथील बापू मोतीराम धनगर (48) हे रब्बी हंगामाच्या शेती कामासाठी ट्रॅक्टर (क्रमांक एम.एच.39 एन.3574) च्या माध्यमातून रोटाव्हेटर घेऊन ट्रॅक्टर चालक दिलीप शंकर पाटील (29) यांच्यासोबत घोटाणेकडून आसानेकडे जात असताना रस्त्यात ट्रॅक्टरच्या स्टेरिंगचा रॉड तुटला व नियंत्रण सुटल्याने ट्रॅक्टर फरशीवरून उलटले. या ट्रॅक्टरखाली बापू धनगर व दिलीप पाटील हे दोघे जण दाबले गेल्याने त्यांचा जागीच मृत्यू झाला.






घटना कळताच घोटाणेकरांनी धाव घेत दोघांना बाहेर काढले. त्यांना नंदुरबार जिल्हा रुग्णालयात नेले, तेथे डॉक्टरांनी मृत घोषित केले. दोन्ही मयतांवर घोटाणे येथे शोकाकुल वातावरणात अंत्यसंस्कार करण्यात आला. याप्रकरणी अशोक धनगर यांच्या फिर्यादीवरून नंदुरबार पोलिस ठाण्यात मयत ट्रॅक्टर चालक दिलीप शंकर पाटील यांच्याविरुद्ध गुन्हा दाखल करण्यात आला. तपास पोलिस निरीक्षक अमोल गुंजाळ करत आहे.

 



मेहनत कर, मेहनत ! कॉपी पेस्ट करू नको !