Shirpur taluka shaken: Son kills his biological father शिरपूर (2 जून 2025) : इच्छेविरोधात वडील घरात आल्याच्या रागातून मुलानेच पित्याचा खून केल्याची धक्कादायक घटना शिरपूर तालुक्यातील बोराडी गावात 1 रोजी रात्री 11.30 वाजता घडली. या घटनेत सिंगा तुमडू पावरा (70) यांचा मृत्यू झाला तर आरोपी सुनील सिंगा पावरा (30) यास शिरपूर तालुका पोलिसांनी काही तासातच अटक केली आहे.
घरात राहण्यास विरोध : डोक्यात मारला दांडा
बोराडी गावात पावरा पिता-पूत्र वास्तव्यास होते व त्यांनी घराची अलीकडेच उभारणी केली मात्र या घरात वडिलांनी राहू नये, असे संशयीत सुनीलला वाटत होते व त्यावरून अनेकदा त्यांच्या वादही विकोपाला गेले. त्यानंतरही सिंगा पावरा हे 1 जून रोजी रात्री घरात आले व झोपी गेले. रविवारी रात्री मुलाने वडील घरात झोपल्याचे पाहून त्यांच्या डोक्यात लाकडी दांडका मारल्याने मोठ्या प्रमाणावर रक्तस्त्राव झाला व धुळ्यातील हिरे मेडिकल कॉलेजमध्ये उपचारार्थ हलवल्यानंतर त्यांची प्राणज्योत मालवली.
आरोपीला काही तासात बेड्या
शिरपूर तालुका पोलिसात या प्रकरणी आरोपी विरोधात खुनाचा गुन्हा दाखल करण्यात आल्यानंतर अवघ्या काही तासात आरोपीला अटक करण्यात आली. ही कारवाई धुळे पोलीस अधीक्षक श्रीकांत धीवरे, अपर पोलीस अधीक्षक किशोर काळे, पोलीस उपअधीक्षक सुनील गोसावी यांच्या मागदर्शनाखाली पोलीक निरीक्षक जयपाल हिरे, मिलिंद पवार, हवालदार संदीप ठाकरे, हवालदार रमेश माळी, हवालदार भूषण चौधरी, हवालदार संजय चव्हाण, नाईक मोहन पाटील कॉन्स्टेबल रणजीत वळवी, चालक हवालदार अलताफ मिर्झा आदींच्या पथकाने केली.
