भुसावळात एसीबीच्या कारवाईत लाचखोरांकडे सापडले लाखोंचे घबाड : महसूल वर्तुळात कारवाईने खळबळ

एकाच वेळी तिघांवर कारवाई
जिल्ह्यात वाळू वाहतूक बंद असलीतरी जिल्हाभरात ही वाहतूक बिनदिक्कतपणे सुरू असून प्रशासनाने धुतराष्ट्राची भूमिका स्वीकारल्याने वाळू वाहतूकदारांचे फावले आहे. पूर्वी रात्री चोरून-लपून सुरू असलेली वाळू वाहतूक आता दिवसाही बिनदिक्कतपणे सुरू आहे.

असे आहे लाच प्रकरण
भुसावळ तालुक्यातील तक्रारदाराची वाळू वाहतूक चालू देण्यासाठी वाळू वाहतुकीच्या डंपरवर कारवाई न करण्यासाठी 73 हजारांची लाच खाजगी पंटर कोळी याने मागत कोतवाल व तलाठी यांच्याशी बोलणे करून लाच मागणी केली होती. तहसीलदार, मंडळाधिकारी व तलाठी यांच्यासाठी दर महिन्याला 73 हजारांचा हप्ता द्यावा लागेल, असे संभाषणही खाजगी पंटराने तक्रारदारासोबत केले होते. या नंतर तक्रारदाराने या संदर्भात जळगाव एसीबीकडे तक्रार नोंदवली होती. पडताळणीअंती भुसावळ तहसील कार्यालयासमोर सोमवारी दुपारी सापळा रचण्यात आला व पंटरानंतर तलाठी व कोतवालाला बेड्या ठोकण्यात आल्या.

यांनी केला सापळा यशस्वी
जळगाव एसीबीचे पोलिस उपअधीक्षक योगेश ठाकूर यांच्या नेतृत्वात पोलिस निरीक्षक स्मिता नवघरे, श्रेणी पीएसआय दिनेशसिंग पाटील व सुरेश पाटील, बाळू मराठे, राकेश दुसाने, प्रणेश ठाकूर,भूषण पाटील आदींच्या पथकाने हा सापळा यशस्वी केला.

आपला प्रकरणाशी संबंध नाही : तहसीलदार
खाजगी त्रयस्त इसमाला आपण कधीही भेटलेला नाही वा ओळखतही नाही व या प्रकरणाशी आपला कुठलाही संबंध नसल्याचे तहसीलदार निता लबडे यांनी सांगितले.