Three thousand bribe case: Constable of Erandol police station in judicial custody एरंडोल (16 ऑक्टोबर 2025) : दुचाकी अपघातानंतर ताब्यात असलेले वाहन ताब्यात देण्यासाठी तीन हजारांची लाच मागून ती स्वीकारताना एरंडोल पोलिस ठाण्यातील हवालदार बापू लोटन पाटील यास धुळे एसीबीने एरंडोल चौफुलीवर अटक केली होती. ही कारवाई गुरुवार, 16 रोजी करण्यात आल्यानंतर पाटील यास जळगाव न्यायालयात हजर केले असता न्यायालयीन कोठडी सुनावण्यात आली.
असे आहे लाच प्रकरण
एरंडोल पोलिस ठाणे हद्दीत दुचाकीचा अपघात घडल्यानंतर तक्रारदाराचे वाहन पोलिसांनी जप्त केले होते. या अपघातात तक्रारदारही जखमी असून वाहन सोडण्याच्या मोबदल्यात हवालदार बापू लोटन पाटील यांनी तीन हजार रुपये मागितल्यानंतर धुळे एसीबीकडे संपर्क साधण्यात आला व एरंडोल येथे तक्रार नोंदवण्यात आली व लाच पडताळणी करण्यात आली व सापळा रचण्यात आला. गुरुवारी दुपारी एरंडोल चौफुलीवर पैसे स्वीकारण्याचे ठरले व पैसे स्वीकारताच हवालदाराला अटक करण्यात आली.
