Two youths from Chopra taluka killed in a horrific two-wheeler accident चोपडा (16 ऑक्टोबर 2025) : अज्ञात चारचाकी वाहनाने कट मारल्याने दुचाकी समोर धडकून झालेल्या गंभीर अपघातात अमोल ज्ञानेश्वर पाटील (25) व पृथ्वीराज चंद्रकांत पाटील (23) हे दोघे तरुण जागीच ठार झाले. हा अपघात चोपडा-मामलदे फाटादरम्यान 16 ऑक्टोबर रोजी संध्याकाळी सहा वाजेच्या सुमारास घडली.
अपघाताच्या घटनेने मामलदे व परिसरात सर्वत्र शोककळा पसरली आहे. अपघाताची माहिती मिळताच मामलदे, चुंचाळे व चोपडा शहरातील नागरिकांनी घटनास्थळी धाव घेतली. शहर पोलिसांनी तत्काळ घटनास्थळ गाठून अपघातातील दोघा तरुणांना उपजिल्हा रुग्णालयात उपचारासाठी दाखल केले परंतु तपासणीअंती डॉक्टरांनी दोघांना मृत घोषित केले.
