भुसावळ (17 ऑक्टोबर 2025) शहरात दुचाकी चोरीच्या घटना वाढत असून,दोन दिवसांत सलग दोन मोटरसायकल चोरी झाल्याचे प्रकार समोर आले आहेत. शहरातील महेश नगर आणि कृष्णा कॉलनी परिसरातून चोरट्यांनी दोन दुचाकींसह घरासमोर ठेवलेले गॅस सिलेंडरही लंपास केल्याने नागरिकांमध्ये चिंतेचे वातावरण निर्माण झाले आहे.
पहिली घटना भुसावळ शहरातील महेश नगर परिसरात घडली. येथे राहणारे रामकिशोर रामउजागीर विश्वकर्मा (40, रा. देना नगर, भुसावळ) हे 12 सप्टेंबर 2025 रोजी फर्निचरचे काम करीत असताना विशाल हिरवलकर यांच्या घराजवळ पार्क केलेली त्यांची होंडा शाईन मोटरसायकल (एमएच 19 – सीके 3246) सिल्व्हर-ग्रे रंगाची) कोणीतरी चोरट्याने चोरीस नेली.चोरी गेलेल्या दुचाकीची किंमत अंदाजे 15 हजार रुपये इतकी आहे. या प्रकरणी भुसावळ बाजारपेठ पोलिस ठाण्यात गुन्हा दाखल करण्यात आला आहे. या प्रकरणाचा तपास पोलीस निरीक्षक राहुल वाघ यांच्या मार्गदर्शनाखाली पोलीस हवालदार कांतीलाल केदारे हे करीत आहे.
दुसरी घटना कृष्णा कॉलनी रेल्वे क्वार्टर परिसरात घडली.येथे राहणारे योगेशकुमार कैलाशचंद मीना (वय 32) हे 8 ऑक्टोबर रोजी सकाळी घराला कुलूप लावून नेपानगर येथे ड्युटीवर गेले होते.दरम्यान 8 ते 10 ऑक्टोबरच्या दरम्यान त्यांच्या घरासमोर उभी असलेली ज्युपिटर मोपेड (एमएच 19 बीटी 7144 काळ्या रंगाची) आणि गॅलरीमध्ये ठेवलेले दोन गॅस सिलेंडर चोरट्यांनी चोरून नेले. चोरी गेलेल्या मालाची एकूण किंमत सुमारे 7 हजार 650 रुपये इतकी असून, या प्रकरणी शहर पोलिस ठाण्यात गुन्हा दाखल केला आहे. या प्रकरणाचा पुढील तपास निरीक्षक उध्दव डमाळे यांच्या मार्गदर्शनाखाली पोलीस राहुल भोई करत आहे.
