Break in gold price hike: Know today’s rates जळगाव (18 ऑक्टोबर 2025) : धनत्रयोदशीच्या मुहूर्तावर सोने खरेदी करणार्‍या ग्राहकांना दिलासा देणारी बातमी आहे. जळगाव शहरातील सुवर्ण बाजारात आज सोने दरात तब्बल तीन हजार रुपये प्रति तोळा इतकी घसरण झाली आहे. आज सोनं खरेदीचा शुभमुहूर्त मानला जातो मात्र गेल्या काही दिवसांपासून सोन्याच्या दरात सातत्यानं वाढ होत असल्याचं चित्र आहे. परंतु आज सोन्याच्या दरात कमालीची घसरण झाल्याने ग्राहकांना काहीसा दिलासा मिळाला आहे.
जळगाव शहरातील सराफ बाजारात आज 24 कॅरेट सोने दरात 3000 रुपये प्रति 10 ग्रॅम इतकी घसरण झाली आहे. यामुळे 24 कॅरेट 1 तोळं सोनं खरेदीसाठी तुम्हाला आज जीएसटीसह 132000 रुपये मोजावे लागतील. दुसरीकडे चांदीचा दर प्रति किलो 174000 रुपये इतका आहे. सोन्याच्या भावात घट झाल्यामुळे सामान्यांना आज सोनं खरेदी करताना नक्कीच दिलासा मिळणार आहे.
दरम्यान, सोन्याचे दर गगनाला भिडले असले तरी आज धनत्रयोदशीनिमित्त जळगावच्या सराफ बाजारात सोनं खरेदी करण्यासाठी ग्राहकांनी मोठी गर्दी दिसून येत आहे कारण आज धनत्रयोदशीच्या सोन खरेदी करणे शुभ व बरकत देणारे मानल जातो.
या निमित्ताने आज सोने खरेदीसाठी ग्राहक एकवटले आहे. मागील वर्षाच्या तुलनेत सोन्यात 52 हजारांची वाढ झाली आहे. या दरवाढीला रशिया युक्रेन युद्धाचा परिणाम तसेच अमेरिकेने लादलेल्या टेरिफ धोरणाचा परिणाम देखील होताना दिसून येत आहे. सोन्याचे दर काहीसे कमी झाले असले तरी आगामी काळात सोने दरवाढीची शक्यता सराफ व्यावसायिकांनी व्यक्त केली आहे
