A speeding crane hit a bike near Kurhepanache : A youth from Mahadevmal village was killed भुसावळ (19 ऑक्टोबर 2025) : भरधाव क्रेन दुचाकीवर धडकून झालेल्या अपघातात महादेवमाळ गावातील तरुण जागीच ठार झाला. हा अपघात कुर्हेपानाचे गावाजवळील महाराष्ट्र ढाब्याजवळ शनिवार, 18 रोजी घडला. राहुल राजाराम तंवर (25, महादेवमाळ, ता.भुसावळ) असे मृताचे नाव आहे.
असा घडला अपघात?
राजाराम मयाराम तंवर (58, महादेवमाळ) यांनी तालुका पोलिसात दिलेल्या फिर्यादीनुसार संशयीत नियामुद्दीन अन्सारी (68, रा.चिचाकी ब्लॉक, सिरीया ग्राम, पिपराडीह, पोस्ट बंधखारो गीरीडीह, झारखंड, ह.मु.चौधरी ऑटो मोबाईल, साकेगाव शिवार, ता.भुसावळ) याने शनिवारी सायंकाळी साडेपाच वाजेच्या सुमारास क्रेन मोनटेड ट्रक (क्र.एम.एच.19 बी.एम.4343) भरधाव वेगाने चालवून समोरून येणार्या दुचाकी (क्र.एम.एच.19 बी.एन.3386) ला जोरदार धडक दिल्याने राहुल राजाराम तंवर (25) या तरुणाचा मृत्यू झाला. कुर्हेपानाचे गावाजवळील महाराष्ट्र धाब्याच्या मागे हा अपघात घडला. तपास पोलिस निरीक्षक महेश गायकवाड यांच्या मार्गदर्शनाखाली ग्रेडेड पीएसआय संजय कंखरे करीत आहेत.
