Diwali rain crisis: Rain in these cities for five days from today! भुसावळ (21 ऑक्टोबर 2025) : देशभरात सर्वत्र दिवाळीचा उत्साह असलातरी ऐन दिवाळीत मात्र पावसाची शक्यता हवामान विभागाने वर्तवली आहे. हवामान खात्याने दिलेल्या अंदाजानुसार, आजपासून 21 ऑक्टोबर पुढील पाच दिवस महाराष्ट्रात वादळी वार्‍यांसह पाऊस होण्याची शक्यता आहे. विशेषतः कोकण, गोवा, मराठवाडा आणि मध्य महाराष्ट्रात मुसळधार पावसाची शक्यता आहे.
अवकाळी पावसाला नागरिक वैतागले
देशभरातून नैऋत्य मोसमी पावसाने माघार घेतली असली तरी आता बंगालच्या उपसागरात कमी दाबाचा पट्टा सक्रीय झाल्याने राज्यभरात अवकाळी पावसाचा इशारा आहे. गेल्या दोन महिन्यांमध्ये मराठवाड्यासह संपूर्ण महाराष्ट्रात पूरपरिस्थिती होती. अनेक जनावरे दगावली, घरे पाण्याखाली गेली. मोठी पडझड झाली. झालेल्या नुकसानातून वर येत असतानाच पुन्हा एकदा अवकाळी पावसाच्या इशार्‍यामुळे नागरिक वैतागले आहेत.
या शहरांमध्ये होणार अवकाळी पाऊस ?
21 ऑक्टोबर : रायगड, रत्नागिरी, सिंधुदुर्ग, पुणे, सातारा, सांगली, कोल्हापूर, लातूर, नांदेड, परभणी, हिंगोली, वाशीम, अकोला, यवतमाळ, चंद्रपूर, गडचिरोली जिल्ह्याला पावसाचा येलो अलर्ट आहे.
22 ऑक्टोबर : रत्नागिरी, सिंधुदुर्ग, सातारा, सांगली, कोल्हापूर,धाराशिव, लातूर, नांदेड, यवतमाळ, चंद्रपूर, गडचिरोली, बुलढाणा- यलो अलर्ट
23 ऑक्टोबर : रायगड, रत्नागिरी, सिंधुदुर्ग, पुणे, सातारा, सांगली, कोल्हापूर, सोलापूर, धाराशिव, लातूर, बीड, नांदेड, वाशिम, यवतमाळ, वर्धा, चंद्रपूर, गोंदिया, गडचिरोली – यलो अलर्ट
24 ऑक्टोबर : रायगड, रत्नागिरी, सिंधुदुर्ग, कोल्हापूर, सांगली, सातारा, पुणे, नगर, सोलापूर, बीड, धाराशिव, लातूर, नांदेड, वाशिम, बुलढाणा, अकोला, अमरावती, यवतमाळ ,वर्धा, नागपूर, चंद्रपूर ,गडचिरोली
25 ऑक्टोबर : रायगड, रत्नागिरी, पुणे, सातारा, सांगली, सोलापूर, नगर ,संभाजीनगर, बीड, धाराशिव, संपूर्ण विदर्भात पावसाचे येलो अलर्ट
