सोशल मीडियावरील मैत्रीनंतर अश्लील व्हिडिओ व्हायरलची धमकी देत विवाहितेवर अत्याचार
Married woman assaulted after being friends on social media, threatening to make pornographic video viral रायगड (22 ऑक्टोबर 2025) : फेसबुकवर ओळख झाल्यानंतर तरुणाने एका विवाहित महिलेशी जवळीक वाढवत तिला ब्लॅकमेल करीत अडीच वर्षांपासून तिच्यावर वारंवार अत्याचार केला.
असे आहे प्रकरण ?
सोशल मीडियावरील मैत्रीतून सुरू झालेले हे संबंध नंतर ब्लॅकमेलिंग आणि लैंगिक शोषणात बदलले. पोलिसांनी दिलेल्या माहितीनुसार, पीडित महिला विवाहित असून तिची आणि आरोपीची ओळख फेसबुकवर झाली होती. या ओळखीचा गैरफायदा घेत आरोपीने महिलेसोबत शारीरिक संबंध प्रस्थापित केले.
आरोपीने अत्यंत घृणास्पद कृत्य करत शारीरिक संबंधांचे व्हिडीओ आणि खाजगी फोटो मोबाईलमध्ये रेकॉर्ड केले. हे फोटो आणि व्हिडीओ व्हायरल करण्याची धमकी देत त्याने महिलेला ब्लॅकमेल करण्यास सुरुवात केली. इतकेच नव्हे, तर पीडितेच्या पतीला आणि मुलाला जीवे मारण्याचीही धमकी दिली. या धमक्यांमुळे घाबरलेल्या महिलेने आरोपीचा अडीच वर्षे चाललेला शारीरिक आणि मानसिक छळ निमूटपणे सहन केला.
या अडीच वर्षांच्या काळात आरोपीने पीडितेच्या गोरेगाव येथील राहत्या घरात तसेच मुंबईतील विक्रोळीतील स्वतःच्या निवासस्थानी वारंवार अत्याचार केल्याचे समोर आले. सततच्या त्रासाला कंटाळून पीडिता तीव्र तणावाखाली होती. दीर्घकाळ चाललेल्या या छळानंतर अखेर पीडित महिलेने धैर्य एकवटत महाड शहर पोलिसात तक्रार दाखल केली. तक्रार दाखल होताच पोलिसांनी तत्काळ कारवाई करत 38 वर्षीय आरोपीला अटक केली.
