जळगावातील पियुष मन्यार यांचा कारनामा : कमरेला पिस्टल लावत ‘दौलत’ उधळली
व्हिडिओ व्हायरल होताच जळगाव जिल्हा पेठ पोलिसांनी दाखल केला गुन्हा
Piyush Manyar’s exploits in Jalgaon: He squandered his ‘wealth’ by carrying a pistol around his waist जळगाव (23 ऑक्टोबर 2025) : जळगावातील पियुष मन्यार यांचा कमरेला पिस्टल लावून दौलत उधळतानाचा व्हिडिओ व्हायरल झाल्यानंतर जिल्हा पेठ पोलिसांनी गुन्हा दाखल केला आहे. या प्रकाराची जिल्हाभरात चांगलीच चर्चा रंगली आहे.
जळगाव पोलिस मुख्यालयातील ‘पद्मालय पोलिस हॉल’मध्येे सोमवारी एका कार्यक्रमात पियुष मन्यार याने नागरिकांमध्ये दहशत व्हावी या हेतूने पिस्टल कमरेला लावून पैश्यांची उधळण केली. याचा व्हिव्हिओ सोशल मीडियावर व्हायरल होताच जिल्हापेठ पोलिसांनी गुन्हा दाखल केला आहे.





असे आहे नेमके प्रकरण
जळगाव पोलिस मुख्यालयातील ‘पद्मालय पोलिस हॉलमध्ये’ सोमवार, 20 रोजी सायकांळी सहा ते दहादरम्यान माध्यमांच्या वतीच्या ‘दिवाली सुफी नाईट’ कार्यक्रम झाला. या कार्यक्रमात पियुष मन्यार यांना त्यांच्या स्वःरक्षणाकरीता मिळालेली लायसन्स परवाना असलेली पिस्टल कमरेला लावून नागरीकांमध्ये दहशत व्हावी या हेतूने मध्यप्रदेशचे गायक शफीक मस्तान यांच्या अंगावर पैश्यांची ओवाळणी करून पैसे उधळन केली.
या प्रकारचा व्हिव्हिओ 22 रोजी सोशल मीडियावर व्हायरल झाल्यानंतर सोशल मिडीयात आलेल्या बातमीची दखल पोलिस प्रशासनाने घेतली. जळगाव जिल्हापेठ पोलिस निरीक्षक प्रदीप ठाकूर यांनी दिलेल्या फिर्यादीवरून जिल्हापेठ पोलिसात 22 रोजी पियुष मन्यार विरोधात गुन्हा दाखल करण्यात आला.
या गुन्ह्याचा तपास पोलिसस अधीक्षक डॉ.महेश्वर रेड्डी, अपर पोलीस अधीक्षक अशोक नखाते यांच्या मार्गदर्शनाखाली जिल्हापेठ पोलिस उपनिरीक्षक गोपाल देशमुख करीत आहेत.
