महिला डॉक्टर आत्महत्या प्रकरण : पसार फौजदार गोपाळ बदने पोलिसांना शरण
मृत डॉक्टरवर 4 वेळा बलात्कार केल्याचा आरोप
Female doctor suicide case: Pasar Faujdar Gopal Badne surrenders to police सातारा (26 ऑक्टोबर 2025) : महिला डॉक्टरांच्या आत्महत्या प्रकरणातील प्रमुख आरोपी निलंबित फौजदार गोपाळ बदने पोलिसांना शनिवारी रात्री शरण आला आहे. आत्महत्या प्रकरणामुळे संपूर्ण महाराष्ट्रात मोठा रोष व्यक्त केला जात आहे.
काय आहे नेमके प्रकरण ?
मृत डॉक्टर महिलेने आत्महत्येपूर्वीच्या सुसाइड नोटमध्ये पोलिस उपनिरीक्षक बदनेने माझ्यावर चार वेळा अत्याचार केल्याचे नमूद केले होते व त्यानंतर आरोपी पसार झाला होता. त्याचा शोध सुरू असताना तोच शरण आला. वडवणी (जि. बीड) तालुक्यातील मूळ गावी त्या महिला डॉक्टरवर अंत्यसंस्कार झाले.
पोस्टममॉर्टेम करणारी मुलगी स्ट्राँग नसेल का?
मृत डॉक्टरच्या बहिणीने सांगितले की, मागील महिन्यात माझे तिच्याशी बोलणे झाले. ती म्हणाली, पोस्टमॉर्टेमसाठी माझ्यावर दबाव येत आहे. अनफिट असेल तर फिट म्हणून दाखवण्यासाठी दबाव येत होता. त्याला नकार दिल्यामुळे तिला त्रास वाढत गेला. आम्ही पाच पानांचे पत्र दिले. त्याची चौकशी झाली. मात्र त्यातून काहीही निष्पन्न झाले नाही. 80 ते 90 पोस्टममॉर्टेम करणारी मुलगी स्ट्राँग नसेल का? ती आत्महत्या करूच शकत नाही, असेही तिच्या बहिणीचे म्हणणे आहे.
अपर पोलिस अधीक्षक फलटणमध्ये ठाण मांडून
फलटणच्या उपजिल्हा रुग्णालयात कार्यरत डॉक्टर महिलेने 23 ऑक्टोबर रोजी रात्री फलटण येथील एका लॉजवर गळफास लावून घेऊन आत्महत्या केली होती. या घटनेमुळे संपूर्ण महाराष्ट्रात खळबळ उडाली आहे. या गंभीर घटनेच्या तपासासाठी अपर पोलिस अधीक्षक वैशाली कडूकर फलटणमध्ये ठाण मांडून आहेत, तर जिल्हा पोलिस अधीक्षक तुषार दोशी यांनीही फलटणला भेट देऊन तपासाचा आढावा घेतला आहे.
कॉलची चौकशी करावी : रामराजे निंबाळकर
माजी खासदार निंबाळकरांचे कट्टर विरोधक महाराष्ट्र विधान परिषदेचे माजी सभापती रामराजे नाईक निंबाळकर म्हणाले की, मुख्यमंत्री फडणवीस यांच्या न्यायबुद्धीवर माझा विश्वास आहे. आत्महत्येपूर्वी त्या महिला डॉक्टरला आलेल्या सर्व कॉलची सखोल चौकशी करावी.
