शिरपूर शहर पोलिसांची कामगिरी : गावठी कट्टा, जिवंत काडतूसासह संशयीत जाळ्यात
Shirpur City Police’s performance : Villager arrested, suspect with live cartridge caught शिरपूर (28 ऑक्टोबर 2025) : शिरपूर शहर पोलिसांनी गावठी कट्टा, तीन जिवंत काडतूसासह एका संशयीताला बेड्या ठोकल्या आहेत. सचिन राजु पाटील (21, रा.लौकी, ता.शिरपूर) असे अटकेतील आरोपीचे नाव आहे.
गोपनीय माहितीवरून कारवाई
शिरपूर शहरातील करवंद नाका येथील ट्रॅव्हल्स पॉईंटजवळ संशयीत उभा असून त्याच्या गोणीमध्ये गावठी बनावटीचे पिस्टल असल्याची माहिती शिरपूर शहर पोलिस निरीक्षक परदेशी 26 रोजी 9.15 वाजता मिळाल्यानंतर त्यांनी पथकाला कारवाईचे निर्देश दिले.





पथकाने संशयीताची पंचांसमक्ष अंगझडती व त्याचे हातातील गोणीची झडती घेतल्यानंतर त्यात गावठी बनावटीचे पिस्टल, दोन मॅग्झीन व 3 जिवंत काडतुस आढळल्याने ते जप्त करण्यात आले. गोविंदराव सुरेश कोळी यांच्या फिर्यादीवरून शिरपूर शहर पोलिसात गुन्हा दाखल करण्यात आला. तपास फौजार सुरेश बाविस्कर करीत आहेत.
यांनी केली कामगिरी
ही कामगिरी धुळे पोलिस अधीक्षक श्रीकांत धीवरे, अपर पोलिस अधीक्षक अजय देवरे, उपविभागीय पोलिस अधिकारी सुनील गोसावी यांच्या मार्गदर्शनाखाली शिरपूर शहर निरीक्षक किशोरकुमार परदेशी, पोलिस उपनिरीक्षक सुरेश बाविस्कर, डी.बी.पथकाचे हवालदार रवींद्र आखडमल, हवालदार चेतन सोनवणे, कॉन्स्टेबल गोविंद कोळी, मनोज महाजन, सोमा ठाकरे, आरीफ तडवी, सचिन वाघ, संदिप मोहिते तसेच चालक रवींद्र महाले आदींच्या पथकाने केली.
