Driver’s protest against illegal toll collection by highway police finally backfires नवापूर (30 ऑक्टोबर 2025) : कोंडाईबारी घाटाजवळ महामार्ग पोलिस इन्ट्रीच्या नावाखाली वाहन चालकांकडून अहोरात्र अवैध वसुली करीत असल्याच्या निषेधार्थ एका ट्रक चालकाने चक्क महामार्गावर आडवी ट्रक आडवा लावत वाहनावर चढून आपल्या गळ्यात दोरी अडकवून आंदोलन सुरू केले होते व अन्य वाहन धारकांनी या आंदोलनाला पाठिंबा दिला होता. अखेर विसरवाडी सहाय्यक निरीक्षकांनी या आंदोलकाची समजूत काढल्यानंतर आंदोलन मागे घेण्यात आले मात्र अवैध वसुली थांबणार का? हा प्रश्न कायम आहे.
काय घडले घाटात ?
नागपूर-सुरत राष्ट्रीय महामार्गावरील कोंडाईबारी घाटात महामार्ग पोलिसांची चौकी आहे. या ठिकाणी पोलिसांकडून ट्रक चालकांकडून दिवसभर खाजगी पंटराच्या माध्यमातून महामार्ग पोलिसांकडून वसुली केली जात असल्याचा आरोप नेहमीच वाहनधारकांकडून होतो व मंगळवारी एका चालकाने अवैध वसुलीविरोधात आत्महत्या करण्याची धमकी देत आंदोलनात्मक पवित्रा घेतला. या चालकाने आपली ट्रक रस्त्यात आडवी लावत तब्बल पाच तास आंदोलन केले.
तर विनाकारक दंडात्मक कारवाई
या आंदोलनस्थळी काही अन्य ट्रक चालकही जमा झाले. त्यांनीही महामार्ग पोलिसांवर अवैधपणे पैसे घेण्यात येत असल्याचा आरोप केला. याठिकाणी तैनात असलेले महामार्ग पोलीस स्थानिक मालमोटार वगळता बाहेरच्या चालकांकडून रोज येता-जाता 20 ते 30 रुपयांची मागणी करतात. ही वसुली पोलिसांच्या वतीने खाजगी व्यक्तींकडून केली जात असून त्यांना नाव, बिल्लाबाबत विचारणा केल्यास ते दंड (चलान) करतात. अथवा वरिष्ठांशी बोला, अशाप्रकारे त्रास देत असल्याचे अनेक मालमोटार चालकांनी सांगितले.
अधिकार्यांच्या मध्यस्थीनंतर आंदोलन मागे
नंदुरबार पोलिस अधीक्षकांच्या सुचनेनंतर विसरवाडी ठाण्याचे प्रभारी अधिकारी नरेंद्र साबळे हे आंदोलनस्थळी दाखल झाले. त्यानी आंदोलक मालमोटार चालकांशी संवाद साधत त्यांचे म्हणणे ऐकून घेतले. आपणास दिलेले चलान वसूल न करता या ठिकाणाहून जाऊ द्यावे, ही त्याची मागणी पोलिसांनी मान्य केल्याने आंदोलक पाच तासांनंतर वाहनावरील खागी उतरून मार्गस्थ झाला.
