अनैतिक संबंधात अडसर ठरल्याने सामाजिक कार्यकर्ते नकुल भोईर यांचा खून : प्रियकरालाही पडल्या बेड्या
Social activist Nakul Bhoir murdered after being caught in an immoral relationship : Boyfriend also arrested पिंपरी (30 ऑक्टोबर 2025) : पिंपरी-चिंचवड येथील सामाजिक कार्यकर्ते नकुल भोईर यांचा काही दिवसांपूर्वीच खून झाला होता मात्र या खून प्रकरणातील ट्वीस्ट समोर आला असून पत्नीने आपल्या प्रियकरासोबत भोईर यांना संपवल्याचे पोलिस तपासात समोर आले आहे. आरोपी चैतालीचा प्रियकर सिद्धार्थ दीपक पवार (वय 21, रा. बालाजी अपार्टमेंट, लिंकरोड, चिंचवड) याचाही याला अटक करण्यात आली आहे. दोघा आरोपींना न्यायालयाने 1 पर्यंत पोलिस कोठडी सुनावली आहे.
पोलिसांना आधीपासूनच होती शंका
24 ऑक्टोबर रोजी पहाटे पावणेतीन वाजण्याच्या सुमारास नकुल आनंदा भोईर (40, रा. माणिक कॉलनी, चिंचवड) यांचा खून केल्याची माहिती पत्नी चैतालीने स्वतःच पोलिसांना फोन करून दिली. पोलिसांना या प्रकरणात आणखी कोणीतरी सहभागी असल्याचा संशय असल्याने त्यांनी सखोल चौकशीअंती बिंग फुटले.
प्रेमसंबंधावरून नकुलशी वाद
सिद्धार्थ-चैतालीच्या प्रेमसंबंधावरून नकुलशी वाद होत होते. प्रेमसंबंधाच्या आड येत असल्याने दोघांनी नकुलला कायमचं संपवण्याचा निर्णय घेतला. त्यातच चैतालीने अनेकांकडून कर्ज घेतल्याची माहिती नकुल यांना मिळाली होती. त्यावरून भांडणे झाली. यावेळी नकुलने तिला मारहाण केली. तिला मारहाण झाल्याने प्रियकर सिद्धार्थचा राग अनावर झाला. दोघांनी संगनमताने ओढणीने नकुलचा गळा आवळून खून केला.
