संविधान दिनानिमित्त भुसावळातील राष्ट्रवादी उमेदवार ममता डागोर यांच्या उपस्थितीत उद्देशिकेचे वाचन
भुसावळ (26 नोव्हेंबर 2025) : भारताने सर्वोच्च कायदे देणारे संविधान 26 नोव्हेंबर 1949 रोजी स्वीकारल्याने हा दिवस संविधान गौरव दिन म्हणून साजरा केला जातो. भुसावळ पालिका निवडणुकीच्या रणधुमाळीत प्रभाग क्रमांक ब मधील राष्ट्रवादी अजित पवार गटाच्या उमेदवार ममता अजय डागोर यांनी बुधवारी संविधान दिनानिमित्त कार्यकर्त्यांच्या उपस्थितीत संविधान उद्देशिकेचे वाचन केले.
कार्यकर्त्यांची होती उपस्थिती
शहरातील प्रभाग क्रमांक 9 मधील वीर गोगादेव नगरात झालेल्या कार्यक्रम प्रसंगी राष्ट्रवादीच्या उमेदवार ममता अजय कुमार डागोर यांच्यासह त्यांचे पती व समाजसेवक अजय कुमार डागोर, दीपक कच्छवा, दुर्गेश चावरीया, नितीन करोसिया, कैलास मट्टू, मनीष मट्टू, देवेंद्र करोसिया, दुर्गेश तंबोली, करन खरारे, रणजीत कच्छवे आदी कार्यकर्ते उपस्थित होते.
डोअर टू डोअर प्रचार
प्रभाग क्रमांक 9 ब मधील राष्ट्रवादी अजित पवार गटाच्या उमेदवार ममता डागोर यांच्या प्रचारार्थ त्यांचे पती व समाजसेवक अजय कुमार डागोर व कार्यकर्त्यांनी जोरदार प्रचार सुरू केला आहे. सकाळी व सायंकाळी दोन टप्प्यात उमेदवार समर्थक प्रत्येक मतदारांच्या दारी जावून त्यांना विकासाचे व्हिजन सांगत त्यांच्या समस्याही ऐकून घेत आहेत. बुधवारीदेखील कार्यकर्त्यांनी मतदारांच्या गाठी-भेटी घेत प्रभागाचे विकासाचे व्हिजन मांडत नागरिकांच्या समस्याही जाणल्या.
विजय आपलाच होणार : ममता डागोर
नगरपालिका निवडणुकीत जनतेचा आशीर्वाद निश्चितपणे आपल्या सोबत असून निवडून आल्यानंतर नागरिकांच्या समस्या सोडवण्यास आपले प्रथम प्राधान्य असेल, अशी ग्वाही भुसावळातील प्रभाग क्रमांक 9 ब मधून राष्ट्रवादी अजित पवार गटातर्फे रिंगणात असलेल्या ममता अजय डागोर यांनी दिली. प्रभागातील नागरिकांशी आपण कनेक्ट असून जनमताचा कौल आपल्यालाच मिळणार असल्याचा विश्वास त्यांनी ‘ब्रेकींग महाराष्ट्र’ शी बोलताना व्यक्त केला.
