भालोद, ता.यावल (29 नोव्हेंबर 2025) : सेकंडरी एज्युकेशन सोसायटी संचलित कला व विज्ञान महाविद्यालय, भालोद येथील राज्यशास्त्र विभागाच्या वतीने बुधवार, 26 नोव्हेंबर 2026 हा दिवस संविधान दिन म्हणून मोठ्या उत्साहात साजरा करण्यात आला.
यांची होती उपस्थिती
या कार्यक्रमाला महाविद्यालयाचे प्राचार्य डॉ.किशोर कोल्हे व राज्यशास्त्र विभाग प्रमुख डॉ.सुनील नेवे आणि महाविद्यालयातील विद्यार्थी विद्यार्थिनी मोठ्या संख्येने उपस्थित होते. याप्रसंगी महाविद्यालयातील काही विद्यार्थ्यांनी संविधान दिनाचा लोगो असलेले टी-शर्ट परिधान केलेले होते त्यामुळे वातावरण संविधान मय झालेले होते.
याप्रसंगी भारतीय राज्यघटनेची माहिती असलेली एक प्रश्नसंच पुस्तिका सर्व विद्यार्थ्यांना राज्यशास्त्र विभागाचे प्रमुख डॉ. सुनील नेवे यांच्याकडून भेट म्हणून देण्यात आले. महाविद्यालयाचे प्राचार्य डॉ.किशोर कोल्हे यांनी सर्व विद्यार्थ्यांना आवाहन केले की या पुस्तिकेचा सर्वांनी उपयोग करावा त्याचे वाचन करावे आणि भारताची राज्यघटना समजून घ्यावी एक आदर्श नागरिक म्हणून राज्यघटनेचे पालन करणे आपले सगळ्यांचे कर्तव्य आहे.
संविधानाला 75 वर्ष पूर्ण होत आहेत संविधानाचा जागर व्हावा संविधानाचे माहिती सामान्य माणसापर्यंत पोहोचावी यासाठी विद्यार्थी म्हणून आपण प्रयत्न केले पाहिजे. भारताची राज्यघटना ही जगातील सर्वात मोठी आणि लिखित स्वरूपाची राज्यघटना आहे त्यामुळेच ती जगभरात प्रसिद्ध आहे भारतीय राज्यघटनेच्या माध्यमातून आपण मूलभूत हक्कांचा उपयोग करून घेतो त्याचप्रमाणे राज्यघटनेमध्ये सांगितलेली मूलभूत कर्तव्य सुद्धा आपण पाळली पाहिजे प्रत्येक भारतीय नागरिकाने राज्यघटनेचे पालन केलेच पाहिजे, असे प्रतिपादन त्यांनी केले. याप्रसंगी भारतीय राज्यघटनेच्या उद्देश पत्रिकेचे सामूहिक वाचन करण्यात आले.
