भुसावळ (29 नोव्हेंबर 2025) : रेल्वे प्रशासनाकडून प्रवाशांच्या सोयीसाठी आणि प्रवाशांची वाढती संख्या लक्षात घेता साई नगर शिर्डी-बिकानेर विशेष रेल्वे गाडीच्या चालविण्याच्या कालावधीत वाढ करण्यात आली आहे.
गाडी 04716 साई नगर शिर्डी-बिकानेर साप्ताहिक विशेष गाडी 30 नोव्हेबर पर्यत चालविण्यात येणार होती. ती आता 28 डिसेंबरपर्यत चालविण्यासाठी वाढविण्यात आली आहे. तसेच गाडी 04715 बिकानेर -साई नगर शिर्डी साप्ताहिक विशेष गाडी 29 नोव्हेंबरपर्यंत चालविणार होते मात्र आता 27 डिसेंबरपर्यंत चालविण्यात येणार आहे.
ही गाडी मनमाड़, भुसावळ, खंडवा, हरदा, इटारसी, भोपाल, उज्जैन, नागदा, शामगढ़, रामगंज मंडी, कोटा, सवाई माधोपुर, दुर्गापुरा, जयपुर, दहेर का बालाजी, रिंगस, सीकर, लक्ष्मणगढ़, फतेहपुर शेखावाटी, चूरू, रतनगढ़, राजलदेसर आणि श्री डूंगरगढ़ येथे गाडी थांबणार आहे. प्रवाशांनी विशेष रेल्वे सेवेचा लाभ घेण्याचे आवाहन रेल्वे प्रशासनाकडून करण्यात येत आहे.
