A middle-aged man died in Kusumbha after being hit by a speeding vehicle while crossing the road जळगाव (22 डिसेंबर 2025) : जळगाव-छत्रपती संभाजीनगर महामार्गावरील कुसुंबा गावाजवळील प्राईम हॉटेलसमोर रस्ता ओलांडत असताना 50 वर्षीय प्रौढाचा दुर्दैवी मृत्यू झाला. जळगाव तालुक्यातील कुसुंबा शिवारात रविवारी रात्री हा अपघात घडला. याप्रकरणी एमआयडीसी पोलीस ठाण्यात नोंद करण्यात आली.
असा घडला अपघात ?
रविवार, 21 डिसेंबर रोजी रात्री 10 वाजेच्या सुमारास 50 वर्षीय अनोळखी प्रौढ कुसुंबा शिवारातील प्राईम हॉटेलसमोरून रस्ता ओलांडत असताना त्याचवेळी छत्रपती संभाजीनगरकडून जळगावकडे अतिवेगाने येणारी कार (क्रमांक एम.एच. 19 ई.ए.1415) ने जोरदार धडक दिल्याने प्रौढ व्यक्ती गंभीर जखमी होऊन रस्त्यावर कोसळला.उपचारापूर्वीच मृत्यू अपघातानंतर स्थानिक नागरिकांनी आणि पोलिसांनी तातडीने जखमी प्रौढाला उपचारासाठी शासकीय वैद्यकीय महाविद्यालय व रुग्णालयात दाखल केले मात्र डॉक्टरांनी त्यांना तपासून मृत घोषित केले.
मृत व्यक्तीची ओळख अद्याप पटलेली नाही. अपघातानंतर कार चालक सुरेश गजानन पवार (59, रा.ओमनगर, जळगाव) हे स्वतःहून एमआयडीसी पोलिसात हजर झाले. अपघातग्रस्त कार पोलिसांनी ताब्यात घेतली असून एमआयडीसी पोलिसात अकस्मात मृत्यूची नोंद करण्यात आली. तपास हेड कॉन्स्टेबल भगवान चौधरी करीत आहेत.
